Joshua Kimmich është pjesë e Bayern Munichut tash e nëntë vite, por si asnjëherë më parë, këtë sezon marrëdhëniet e tij me klubin shpeshherë janë paraqitur si të acaruara.
Kur bavarezët pësuan humbje ndaj Bayer Leverkusenit me rezultat 3-0 më herët gjatë këtij sezoni, mesfushori gjerman ishte përfshirë në një përleshje me asistentin e Thomas Tuchel.
Duke marrë parasysh pakënaqësitë e lojtarit dhe faktin se kontrata e tij skadon në qershor të vitit të ardhshëm dhe duket se palët nuk po arrijnë të gjejnë gjuhën e përbashkët, shitja e tij po duket të jetë opsioni më i mundshëm.
Sipas asaj që raporton gazetari gjerman Florian Plettenberg, Bayerni është i gatshëm që të lejojë shitjen e Kimmich gjatë verës, nëse vjen oferta e duhur.
Sidoqoftë, Kimmich tashmë ka në preferencën e tij disa klube të mëdha evropiane, ku ai do të dëshironte që të vazhdonte karrierën.
Siç shton tutje raportimi, klube si Manchester City, Liverpool, Arsenal, Real Madrid and dhe Barcelona, janë në mesin e klubeve që i pëlqejnë lojtarit.
Disa prej këtyre klubeve besohet se tashmë kanë kontaktuar lojtarin, teksa kujtojmë se më herët ishte raportuar se Barcelona ka shprehur interesim më konkret për shërbimet e tij. /Telegrafi/
Presidenti i Serbisë, Aleksandër Vuçiç ka deklaruar së fundmi se nuk ka ndërmend të kandidojë sërish për të njëjtin post.…
Qëndrimi i Rusisë për fundin e luftës mbetet i pandryshuar. Këtë e ka bërë të ditur vetë presidenti rus Vladimir…
Situata nga zjarret në zonën e Delvinës mbetet shqetësuese, ndërsa gjatë përpjekjeve për shuarjen e tyre ka ndodhur një incident…
Flakët që nisën nga Bashkia e Delvinës kanë përfshirë malin e Sopotit dhe tashmë kanë hyrë në territorin e Bashkisë…
Ambasada e Shteteve të Bashkuara në Tiranë ka bërë një njoftim zyrtar lidhur me situatën e zjarreve në vend ku…
Ushtria izraelite ka vazhduar bombardimet në Qytetin e Gazës më 13 gusht, para një ofensive të planifikuar për marrjen nën…