Categories: sport

Bayern Munich konfirmon shtrimin në spital të Vincent Kompanyt pas rrëzimit në stërvitje

Vincent Kompany, trajneri i Bayern Munichut, është dërguar në spital pasi është rrëzuar pas një seance stërvitore, raportojnë mediat gjermane.

Tekniku belg u transportua me ambulancë, ndërsa para kësaj një helikopter kishte zbritur në qendrën stërvitore të klubit. Sipas Sky Sport Germany, 40-vjeçari ndodhet në gjendje të qëndrueshme.

Të lidhura

None found

BILD, media që e bëri fillimisht publik incidentin, raportoi se Kompany kishte shkuar të ndiqte stërvitjen e ekipit U23 të Bayernit kur u rrëzua. Në vendngjarje më pas mbërriti një helikopter shpëtimi.

Bayern Munich reagoi në rrjetet sociale pas raportimeve, duke konfirmuar se trajneri kishte marrë trajtim mjekësor të premten.

“Vincent Kompany mori trajtim mjekësor të premten, pasi u rrëzua gjatë stërvitjes së ekipit amator të Bayern. Trajneri i ekipit të parë po ndiqte seancën e ekipit të dytë. Kompany do t’i nënshtrohet kontrolleve të hollësishme në spital dhe do të mbetet nën kujdesin e mjekëve. Deri atëherë, stafi i tij teknik do të drejtojë stërvitjet dhe ndeshjet”, njoftoi klubi.

Drejtori sportiv i Bayern Munichut, Max Eberl, tha se përparësia e klubit është shëndeti i trajnerit.

“Shëndeti i Vincent Kompanyt është shqetësimi ynë kryesor. Bayern do të bëjë gjithçka që ai të rikuperohet sa më shpejt. Vinnie po merr kujdesin dhe mbështetjen e nevojshme mjekësore, si dhe gjithë kohën që i duhet. Stafi i tij teknik, të cilit i kemi besim të plotë, do të marrë përsipër detyrat e tij. Të gjithë në Bayern i urojmë Vinniet shërim të shpejtë”, deklaroi Eberl.

Kompany ka kaluar një infeksion viral, për shkak të të cilit qëndroi në stol në fitoren 6-1 të Bayernit ndaj Leipzigut, të shtunën në Bundesligë.

Pjesëmarrja e tij në vijën anësore për sfidën e së mërkurës kundër Arsenalit në Ligën e Kampionëve ishte vënë në pikëpyetje, por trajneri u rikthye në “Allianz Arena” për atë ndeshje.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

1 hour ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

3 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

3 hours ago