Barcelona optimiste për transferimin e Julian Alvarez, argjentinasi i thotë jo Arsenalit

Barcelona vazhdon të besojë fuqishëm se mund të sigurojë shërbimet e Julian Alvarez, ndërsa sulmuesi argjentinas po refuzon kategorikisht alternativat që i ofrohen nga Liga Premier.

Gazetari Josep Pedrerol raportoi ekskluzivisht në El Chiringuito TV se futbollisti i Atletico Madrid synon të realizojë kalimin në Camp Nou dhe nuk po merr në konsideratë interesimin e klubeve të tjera të mëdha evropiane.

Mikel Arteta u përpoq ta bindte personalisht lojtarin e lindur në Cordoba që të transferohej në Londër, duke e kontaktuar me telefon. Megjithatë, i njohur me nofkën “La Arana”, Alvarez nuk ndryshoi qëndrim.

Sulmuesi nuk pranoi as t’i përgjigjej telefonatës së trajnerit spanjoll, duke treguar qartë se objektivi i tij i vetëm gjatë këtij afati kalimtar është të veshë fanellën e Blaugranëve.

Barcelona i ka paraqitur tashmë Atleticos dy oferta për Alvarez. Propozimi i parë ishte 100 milionë euro, ndërsa i dyti arriti në 120 milionë euro, por të dyja u refuzuan nga klubi madrilen.

Megjithatë, ndërsa tensionet mes lojtarit dhe Atletico Madrid po shtohen, drejtuesit e Barcelonës janë të bindur se drejtori ekzekutiv Miguel Angel Gil Marín do të tërhiqet përballë presionit dhe do të pranojë shitjen e sulmuesit te skuadra katalunase përpara mbylljes së afatit kalimtar të transferimeve.