Barcelona nuk mund të përballojë huazimin e Phillips, anglezi tani ka dy opsione për ta vazhduar karrierën

Kalvin Phillips nuk do t’i bashkohet Barcelonës së paku në afatin kalimtar të janarit.

Mesfushori anglez ishte i lidhur me një huazim në Kataluni, por Barcelona nuk mund të paguaj shumën e kërkuar nga Manchester City.

Kampioni në fuqi i Evropës po kërkon tetë milionë euro vetëm për huazimin e anglezit, shumë që po konsiderohet si shumë e lartë nga Barcelona.

Fabrizio Romano ka njoftuar se katalunasit kanë hequr dorë nga ideja për të nënshkruar me Phillips dhe tani po shikojnë të tjera objektiva.

Ndërkohë e ardhmja e lojtarit duket larg Cityt, por ai do të mbetet në elitën e futbollit anglez Ligën Premier.

West Ham United dhe Newcastle United janë dy skuadrat favorite për të nënshkruar me lojtarin dhe që mund të përballojnë kërkesat e Cityt.

Tani i mbetet vet lojtarit të vendos për të ardhmen e tij, se cilën nga skuadrat e interesuara do ta pranojë. /Telegrafi/