Barcelona humbet Andreas Christensenin, mbrojtësi do të mungojë për disa javë

Andreas Christensen do të jetë jashtë fushave për disa javë, pasi Barcelona konfirmoi se qendërmbrojtësi danez ka pësuar dëmtim në kofshë.

Lëndimi ndodhi gjatë fitores 3-1 të Barcelonës ndaj Sevillas, të regjistruar mbrëmjen e kaluar.

Kontrollet mjekësore kanë evidentuar një problem në kofshën e majtë të futbollistit.

“Ekzaminimet kanë konfirmuar se lojtari i ekipit të parë, Andreas Christensen, ka pësuar një dëmtim në kofshën e majtë. Ai do të jetë i padisponueshëm për momentin dhe evoluimi i gjendjes së tij do të përcaktojë rikthimin në fushë”, njoftoi Barcelona.

Pushimi i gjatë ndërkombëtar mund të jetë në favor të Christensenit, pasi i siguron më shumë kohë për t’u rikuperuar dhe rrit mundësinë që ai të jetë gati për ndeshjet e ardhshme.

Barcelona do të luajë sërish në La Liga më 10 tetor, kur do të përballet me Getafen./