Barcelona gjen formulën për shitjen e Torresit te PSG dhe kursen miliona euro ndaj Man Cityt

Barcelona dhe Paris Saint-Germain kanë arritur përfundimisht marrëveshjen për transferimin e sulmuesit spanjoll Ferran Torres, me vlerën e operacionit të përcaktuar në 50 milionë euro.

Torresit i kishte mbetur vetëm një vit nga kontrata e tij. Megjithatë, klubi katalunas pritet të sigurojë të ardhura të konsiderueshme nga largimi i tij, ndërsa popullariteti i lojtarit u rrit edhe falë golit vendimtar për Spanjën në finalen e Kupës së Botës kundër Argjentinës.

Barcelona e bleu sulmuesin nga Manchester City për 55 milionë euro në vitin 2022. Katër vjet më vonë, katalunasit po rikuperojnë pothuajse të njëjtën shumë, duke e shitur atë për 50 milionë euro.

Sipas Nil Sola, mënyra se si është strukturuar ky transferim i mundëson Barçës të mos paguajë një bonus të rëndësishëm ndaj Manchester Cityt.

Nëse çmimi i shitjes te PSG do të kalonte shifrën prej 55 milionë eurosh, Barcelona do të detyrohej t’i paguante klubit anglez 10 milionë euro.

Një tjetër shpenzim do të krijohej në rast të rinovimit të kontratës së Torresit, pasi një klauzolë e veçantë do t’u kushtonte katalunasve 8 milionë euro shtesë.

Me transferimin për 50 milionë euro dhe pa i zgjatur marrëveshjen lojtarit, Barcelona ka arritur t’i shmangë të dyja këto pagesa.