Barça punon pas “krahëve” të Lewandowskit, katalanasit i vënë “syrin” 100 milionë euroshit të Liverpool

Robert Lewandowski nuk ka ndërmend të largohet nga Barcelona, me polakun që gjithmonë ka theksuar se ndihet mirë dhe do të vazhojë të jetë pjesë e katalanasve.

Por sipas mediave angleze pavarësisht dëshirës së sulmuesit, duket se te Barça ka ende dyshime për të ardhmen e tij.

Kështu sipas “The Sun” bëhet me dije se drejtuesit e skuadrës spanjolle kanë nisur punën në fshehtësi për gjetjen e një zëvendësuesi.

Në radarin e tyre ka rënë lojtari i Liverpool, Darwin Nunez.

Një operacion i vështirë, pasi sulmuesi ka kontratë me “The Reds” deri në qershor të vitit 2028 dhe në vitin 2022 iu ka kushtuar arkave të anglezve plot 100 milionë euro kur u mor nga Benfica.

Një shumë e madhe kjo për katalanasit që nëse vërtet do të arrijnë ndonjë marrëveshje me Liverpool duhet të zbrazin mirë xhepat.