Austria e ka nisur me fitore rrugëtimin e saj në Kupën e Botës 2026, pasi në ndeshjen e parë të Grupit J mposhti Jordaninë me shifrat 3-1 dhe siguroi tri pikët.
Skuadra jordaneze hyri në fushë me shumë guxim dhe rrezikoi që në minutën e dytë, kur Ehsan Haddad përfitoi nga një top i mbetur brenda zonës, por tentativa e tij përfundoi shumë pranë shtyllës së djathtë. Në minutën e 17-të, Odeh Al Fakihouri provoi nga distanca me një goditje të rrezikshme, por Alexander Schlager bëri një ndërhyrje fantastike.
None found
Megjithatë, ishte Austria që kaloi e para në avantazh. Në minutën e 21-të, Romano Schmid e kontrolloi në mënyrë të shkëlqyer një pasim pranë hyrjes së zonës dhe me një goditje të bukur e dërgoi topin në cepin e sipërm të portës për 1-0.
Jordania nuk u tërhoq dhe vazhdoi të sulmonte. Vetëm një minutë më pas, Ali Olwan iu afrua shumë golit të barazimit, por goditja e tij me kokë u ndal nga traversa. I njëjti lojtar provoi sërish në minutën e 34-t, por Schlager regjistroi edhe një pritje tjetër vendimtare.
Pas kthimit nga pushimi, këmbëngulja e Jordanisë dha rezultat. Në minutën e 50-të, Ali Olwan doli i vetëm përballë portës dhe nuk fali, duke barazuar rezultatin në 1-1.
Austria reagoi shpejt dhe në minutën e 67-të mendoi se kishte rikthyer epërsinë. Pas një rrëmuje në zonë, topi shkoi te Marko Arnautovic, i cili nga afërsia e çoi në rrjetë për 2-1, por pas rishikimit me VAR, goli u anulua për prekje të topit me dorë gjatë aksionit.
Goli i dytë i Austrisë erdhi gjithsesi në minutën e 76-të, kur një krosim nga goditja e këndit u devijua në portën e vet nga Yazan Al Arab, duke i dhënë austriakëve avantazhin 2-1.
Kur gjithçka po shkonte drejt mbylljes me këtë rezultat, në zonën e Jordanisë u sinjalizua një prekje e topit me dorë dhe, pas verifikimit me VAR, arbitri akordoi penallti. Nga pika e bardhë u tregua i saktë Arnautovic, i cili vulosi fitoren përfundimtare 3-1.
Falë këtij triumfi, Austria e nis në mënyrën më të mirë fazën e grupeve, ndërsa Jordania mbetet pa pikë, edhe pse zhvilloi një paraqitje të guximshme përballë favoritëve evropianë.
Në episodin më të ri të podcastit “Arena e Yjeve”, gazetarët sportivë të Telegrafit, analizuan në detaje gjysmëfinalet e Kupës…
Masoud Pezheskian, Abbas Araghchi dhe Mohammad Ghalibaf paraqiten si fytyrat kryesore të Iranit për Perëndimin. Të tre kanë marrë përgjegjësinë…
Barcelona nuk do ta ketë të lehtë të gjejë një alternativë për Julian Alvarezin, pasi një tjetër objektiv është praktikisht…
Bashkimi Demokratik për Integrim ka reaguar ndaj promovimit të punimeve nga kryetari i Komunës së Tetovës, Bilall Kasami, duke e…
Ministrja e Mjedisit, Planifikimit Hapësinor dhe Infrastrukturës (MMPHI), Fitore Pacolli, ka njoftuar se janë shkëputur kontratat e punës për 20…
Irani ka njoftuar pezullimin e të gjitha detyrimeve të tij sipas Memorandumit të Mirëkuptimit me Shtetet e Bashkuara, duke përmendur…