Arteta “blindon” Bukayo Saka, rritet masivisht rroga e anglezit

Arsenali është gati të katërfishojë pagën e Bukayo Saka për të pasqyruar statusin e tij si një nga lojtarët e tyre më të rëndësishëm.

Ylli 20-vjeçar i Anglisë aktualisht merr një pagë bazë prej vetëm 30,000 £ në javë, duke e bërë atë një nga lojtarët më pak të paguar në Emirates.

Por tani klubi po përgatitet t’i ofrojë atij një marrëveshje të re javore me vlerë rreth 125,000 £ për t’i dhënë fund çdo spekulimi për një lëvizje të verës.

Tekniku Mikel Arteta e ka bërë prioritetin e tij kryesor sigurimin e të ardhmes afatgjatë të Saka-s dhe i ka thënë klubit se duhet të mbajnë lojtarin aktual të vitit me çdo çmim.

Dhe kjo do të thotë një rritje masive e pagave për anësorin e ri brilant, i cili tani është një nga pronat më të nxehta në futbollin anglez.

Përfaqësuesit e Saka-s tashmë janë njoftuar se Arsenali është gati të ulet dhe të përfundojë një kontratë të re në momentin që sezoni aktual të përfundojë.

Marrëveshja e tij aktuale, e cila u nënshkrua vetëm 20 muaj më parë, ka edhe dy vjet për të përfunduar.

Por progresi meteorik i Sakas gjatë dy sezoneve të fundit e ka detyruar klubin të rivlerësojë vlerën e tij dhe t’i japë atij një marrëveshje që do ta vendosë atë në linjë me yjet e tjerë kryesorë të klubit./ h.ll/albeu.com