Categories: sport

Arsenali dhe Chelsea synojnë Raphinhan me një ofertë që i dyfishon pagën

Arsenali dhe Chelsea po përgatiten t’i propozojnë Raphinhas një pagë dy herë më të lartë se ajo që merr aktualisht te Barcelona, me synimin për ta bindur të rikthehet në Ligën Premier. Megjithatë, largimi i brazilianit nga Camp Nou duket një skenar i vështirë, duke parë rëndësinë që ai ka fituar në ekip.

Të lidhura

None found

Mediumi spanjoll “El Nacional” raporton se klubet angleze po shqyrtojnë mundësinë e transferimit të 29-vjeçarit gjatë afatit kalimtar të janarit. Oferta financiare do të ishte dukshëm më e lartë se paga e tij aktuale në Barcelonë.

Raphinha u transferua te Barcelona nga Leeds United në vitin 2022, për një shumë rreth 58 milionë euro. Sidomos pas emërimit të Hansi Flickut, ai është shndërruar në një prej figurave kryesore të skuadrës.

Sezoni i ri ka nisur në mënyrë të shkëlqyer për brazilianin. Në katër paraqitje në La Liga, ai ka realizuar gjashtë gola dhe ka dhënë një asistim, duke kryesuar listën e golashënuesve të kampionatit. Në Ligën e Kampionëve, Raphinha ka shënuar edhe dy gola.

Kjo paraqitje e ka rikthyer atë në mesin e futbollistëve më të mirë në botë, pas një sezoni të kaluar të vështirë, gjatë të cilit u përball me disa lëndime, veçanërisht me probleme të përsëritura në kofshë.

Pavarësisht interesimit dhe një oferte të mundshme shumë të leverdishme, ndarja me Barcelonën nuk pritet të jetë e lehtë.

Raphinha raportohet se ndihet shumë mirë në klub dhe nën drejtimin e Flickut ka marrë një rol edhe më të rëndësishëm. Në nisje të këtij sezoni, atij iu besua edhe shiriti i kapitenit.

Me këtë përgjegjësi, ai u bë braziliani i parë në historinë e Barcelonës që mban shiritin e kapitenit, një tjetër tregues i pozitës së tij brenda skuadrës.

Qëndrimin e tij të fortë ndaj klubit e tregoi edhe në maj, kur gjatë ndeshjes së lamtumirës së Robert Lewandowskit ia dorëzoi në mënyrë demonstrative shiritin e kapitenit polakut.

Arsenali ka tentuar edhe më parë të sjellë në ekip futbollistë të nivelit të lartë. Në afatin e kaluar kalimtar, “Topçinjtë” kërkuan të transferonin Vinicius Juniorin dhe Julian Alvarezin, por asnjëra marrëveshje nuk u konkretizua.

Raphinha ka kontratë me Barcelonën deri në vitin 2028. Forma e tij aktuale, përgjegjësia si kapiten dhe pozita e fituar nën drejtimin e Flickut e bëjnë shumë të pasigurt pranimin e një largimi nga Camp Nou.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

2 hours ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

2 hours ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

3 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

4 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

4 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

4 hours ago