Drogba vlerësoi edhe skuadrën e femrave edhe atë të meshkujve për kualifikimin në finale të Ligës së Kampionëve brenda një sezoni.
Afrikani po ‘dridhej’ nga gëzimi dhe këtë gjë e publikoi në rrjetin e tij social ‘twitter’, ku u pa mjaftë i lumtur.
“Le të shkojmë përpara. Ne jemi rrugës për në Stamboll”, ka thënë ai në njërin nga mesazhet e dërguara drejt klubit të tij.
Drogba ishte veçanërisht i kënaqur kur kuptoi që jo vetëm ekipi i meshkujve, por edhe skuadra e grave të Chelsea gjithashtu u kualifikua në finale – duke postuar një video të shkurtër për të ndarë emocionet e tij.
Chelsea do të përballet me Man City në finalen e Ligës së Kampionëve për meshkuj më 28 maj dhe Chelsea Women do të përballet me skuadrën e femrave të Barcelonës më 16 maj.