Categories: sport

Anglia e mbyll grupin në “MetLife”, stadiumi që ka ngjallur ankesa nga lojtarët

Anglia rrezikon të hasë vështirësi serioze në Kupën e Botës në përballjen me Panamanë në Grupin L, pasi kjo ndeshje do të luhet në stadiumin “MetLife”, një impiant që ka marrë kritika të forta nga disa emra të njohur të futbollit për cilësinë e dobët të fushës.

“Tre Luanët” do ta nisin rrugëtimin e tyre në Botërorin 2026 më 17 qershor ndaj Kroacisë në ‘Dallas Stadium’ të Arlingtonit, ndërsa më 23 qershor do të luajnë kundër Ganës në Boston Stadium.

Të lidhura

None found

Faza e grupeve për anglezët do të përfundojë më 27 qershor me sfidën ndaj Panamasë në stadiumin MetLife në New York/New Jersey, arena ku më 19 korrik do të zhvillohet edhe finalja e madhe e turneut.

Në total, ky stadium do të presë tetë ndeshje të Kupës së Botës, por deri tani ka tërhequr vëmendje më shumë për problemet sesa për spektaklin. Pas barazimit 1-1 mes Brazilit dhe Marokut, si dhe suksesit 3-1 të Francës ndaj Senegalit, disa futbollistë të njohur kanë dalë hapur me ankesa për gjendjen e terrenit.

Një prej tyre ishte mesfushori i Francës, Adrien Rabiot, i cili u shpreh pa doreza pas ndeshjes së “Gjelave”.

“Fusha… as nuk e di nëse mund të quhet e tillë. Dukej më shumë si një sipërfaqe artificiale – shumë e fortë dhe e ngurtë”, deklaroi ai.

Pakënaqësi shfaqi edhe sulmuesi i Brazilit, Vinicius Junior, që tha se kushtet e fushës e bëjnë të vështirë zhvillimin normal të lojës.

“Në pjesën e dytë, për shkak të nxehtësisë, fusha thahet shumë shpejt. Loja bëhet e ngadaltë dhe ne nuk arrijmë të gjejmë ritmin tonë”, u shpreh ylli brazilian.

Takimi i ardhshëm në ‘MetLife Stadium’ është planifikuar për 22 qershor, kur do të përballen Senegali dhe Norvegjia. Ndërkohë, organizatorët do të jenë nën trysni për të përmirësuar gjendjen e fushës përpara zhvillimit të ndeshjeve të tjera të rëndësishme të Botërorit, mes tyre edhe finales.

të fundit

Piktura e Yayoi Kusamës arrin 14.7 milionë dollarë dhe thyen rekordin në ankand

Një pikturë e realizuar në vitin 1960 nga artistja e njohur japoneze Yayoi Kusama është shitur për 14.7 milionë dollarë…

2 minutes ago

Foda planifikon ndryshime të shumta në formacionin e Kosovës përballë Irlandës

Përzgjedhësi i Kombëtares së Kosovës, Franco Foda pritet të bëjë disa ndryshime në formacionin titullar për ndeshjen ndaj Irlandës, me…

9 minutes ago

Vendimi i gjykatës, arsyetimi për shpalljen fajtor të Thaçit për pengim të drejtësisë

Ish-presidenti i Kosovës, Hashim Thaçi, është dënuar me 17 muaj burgim për veprat penale që lidhen me pengimin e drejtësisë.…

12 minutes ago

Nis procesi gjyqësor ndaj ish-kryetares së Tetovës, Teuta Arifi

Me prezantimin e akuzës dhe dëgjimin e dëshmitarëve ka filluar sot gjykimi për ish kryetaren e Komunës së Tetovës Teuta…

14 minutes ago

MPB rikujton detyrimin për pajisjet dimërore në automjete

Ministria e Punëve të Brendshme (MPB) në RMV njofton se nga 15 nëntori deri më 15 mars, të gjitha automjetet…

14 minutes ago

Aksidenti i rëndë në aksin Fier-Vlorë/ Humbi jetën në moshën 41-vjeçare, mbahen sot homazhet për Shefin e Krimeve, Ermal Lulaj

Homazhet në nderim të oficerit të Policisë, Ermal Lulaj, i cili humbi jetën në aksidentin tragjik të ndodhur ditën e…

15 minutes ago