Tekniku italian erdhi me ide të qarta në skuadër dhe dëshiron t’i shesë lojtarët, si Isco, Marcelo dhe Gareth Bale, tre lojtarë që nuk janë në projektin e tij për edicionin 2021/22.
Por kjo nuk është e gjitha, ngase Ancelotti ka ide të qarta se të tre lojtarët nuk do jenë as në parapërgatitje, duke iu dhënë mundësi të gjejnë klubin e ardhshëm.
Më i dyshimti mbetet Bale, i cili ka pagë të lartë dhe shpesh herë ka refuzuar ofertat në mënyrë që të qëndrojë të “Los Blancos”.
Juventus dhe Fenerbahce kanë interesim për Marcelon, Isco është në ‘radarin’ e Sevillas, derisa Bale mund të vazhdojë huazimin te Tottenham, të transferohet te Roma i Jose Mourinhos ose edhe kalimi në MLS nuk përjashtohet.
Ndërkohë, me shitjen e Bale, Reali do ta këtë shumë të lehtë të kompletojë transferimin e Kylian Mbappe nga PSG-ja.