Alves ka një mesazh për drejtuesit e Barcelonës: Kthejeni Messin

Alves iu bashkua Barçës pas pesë vitesh e gjysmë, por thotë se atmosfera prapa skenave nuk është e njëjtë pa Messin.

Mbrojtësi brazilian i ka kërkuar klubit që të rikthejë shtatë herë fituesin e Topit të Artë në mënyrë që ai të mund të shohë karrierën e tij të shkëlqyer në një mjedis të njohur.

“Messi është lojtari më i mirë në historinë e futbollit. Është e çuditshme të jesh këtu dhe të mos e shohësh, të mos e kesh në skuadër“, tha Alves për Catalunya Radio.

“Ndonjëherë gjërat nuk ndodhin ashtu siç ëndërrojmë. Unë i thashë tashmë se ai nuk do të jetë në asnjë vend më të mirë se këtu”, shtoi ai

“Ai më tha të njëjtën gjë kur u largova. Do të ishte shumë mirë nëse Messi e përfundon karrierën e tij këtu. Përfundimi i saj këtu do të ishte një dhuratë e madhe për të, dhe klubi mund të kujdeset për këtë“, tha ndër të tjerash Alves.