Allegri: Kupa tani është torta, jo qershia! Me Interin duhet qetësi e qartësi

Massimiliano Allegri, para finales së Kupës së Italisë kundër Interit, ka dalë para mediave dhe ka konfirmuar në formacion Perin e Chiellini, ndërkohë që thekson se sfida si këto ndryshojnë për dy minuta.

“Do të jetë një mbrëmje e mrekullueshme, me dy skuadra shumë të forta. Kemi zhvilluar ndeshje të mira kundër Interit këtë vit, do të duhet durim dhe qartësi. Pastaj futbolli është i çuditshëm dhe pas dy minutash ndryshon i gjithë plani i lojës. Vetëm duhet të jemi të qetë”.

“Në të kaluarën Kupa ishte qershia, tani është torta. Kur luan një finale ka gjithmonë një rëndësi të madhe, sepse duhet ta fitosh atë. Nuk fituam kampionatin, por në fund të sezonit do të ulemi për të përmirësuar gjërat. Vitin e ardhshëm duam ta nisim më mirë sezonin pas një viti pune”.