Në verën e vitit 2020, mesfushori boshnjak, Miralem Pjanic kaloi nga Juventusi te Barcelona, për një shumë të regjistruar për 60 milionë euro, por ai nuk ia doli mirë në “Camp Nou”.
Pasoi një huazim te Besiktas, pas së cilës ai ndërpreu kontratën me katalanasit dhe u transferua te klubi Sharjah, pjesë e së cilës është ende.
None found
Në një intervistë për Corriere dello Sport, ai zbuloi se nuk e dinte për situatën e keqe financiare në Barcelonë dhe se trajneri i asaj kohe, Ronald Koeman, ishte më përgjegjës për dështimin e tij në stadiumin Camp Nou.
“Nëse do të kisha ditur për krizën financiare të Barcelonës, nuk do të transferohesha në Cam Nou, duke pasur parasysh se kisha oferta të tjera”.
“Megjithatë, Barça ishte ëndrra ime, por Ronald Koeman nuk ishte i gatshëm për një punë të tillë dhe një klub të tillë”, ka thënë Pjanic.
Tutje, boshnjaku u ndal te kalimi i tij nga Roma te Juventus, duke thënë se nuk është pishman, por që Gialorossët do të mbesin gjithmonë në zemrën e tij.
“Kam qëndruar në Romë për pesë vjet dhe kam refuzuar shumë oferta më parë. Juventusi më donte në fund të vitit të tretë, por refuzova sepse ndjeva se duhej t’u jepja diçka Romakëve”.
“Nuk ia dolëm kështu që vendosa të provoja diçka tjetër dhe e bëra me dhimbje, por e dija se ishte vendimi i duhur dhe më donin. Shkova te Juventusi dhe nuk pendohem, megjithatë, Roma do të mbetet gjithmonë në zemrën time”, nënvizoi Pjanic.
Gjithashtu, Pjanic foli shumë mirë për Daniele de Rossi dhe Massimillian Allegri, të cilët drejtojnë Romën dhe Juventusin, ndërsa shtoi se Paulo Dybala është lojtari me të cilin ka kaluar më së miri në fushë. /Telegrafi/
Profesori universitar, Mazllum Baraliu, ka kërkuar nga Lëvizja Vetëvendosje dhe Partia Demokratike e Kosovës që dakordimin për nismën e re…
Sulmi në Banjskë, ku u vra rreshteri i Policisë së Kosovës, Afrim Bunjaku, vazhdon të mbetet pa një përgjigje të…
Mbrojtësi i krahut të majtë, Alejandro Balde mund të largohet nga Barcelona në janar, me agjentin Jorge Mendes që po…
Rama mblodhi këtë të shtunë Asamblenë e PS së Tiranës në kuadër të nisjes së fushatës elektorale për zgjedhjet lokale…
Gjatë fjalës së tij në mbledhjen e Asamblesë së PS-së për Tiranën, kryeministri Edi Rama, ka konfirmuar përjashtimin e Elisa…
Kryetari i Lidhjes Demokratike të Kosovës (LDK), Lumir Abdixhiku, ka përkujtuar veprimtarin, atdhetarin dhe intelektualin Xhavit Ahmeti, në 30-vjetorin e…