Trajneri i Burnley, Vincent Kompany ka treguar besim për Aro Muric dhe ku i fundit e shpërbleu me paraqitje tjetër të madhe në fitoren e skuadrës së tij ndaj Sheffild United si mysafir me rezultat 4-1.
Dy paraqitjet e mëparshme të Muric ndaj Everton dhe Brighton i kishin kushtuar me pikë të rëndësishme Burnleyt, ku portieri i Kosovës bëri dy gabime.
Kompany është ndarë i kënaqur me paraqitjen e portierit, duke deklaruar pas ndeshjes se normalisht që do ta përkrahte.
“Varet si e trajtoni. Unë pres që lojtarët të kalojnë periudha të vështira, pavarësisht nëse bëhet fjalë për portierin, mbrojtësit apo sulmuesit. Ne kemi një grup vërtetë të talentuar dhe lojtarët presin me padurim ndeshjen e radhës. Ai ishte i shkëlqyer sot. Kemi luksin e dy portierëve shumë cilësorë dhe ata të dy kanë qenë shumë të mirë gjatë gjithë sezonit”, ka thënë Kompany.
25-vjeçari Aro Muriq tashmë i ka gjashtë paraqitje në Ligën Premier, ku fitoi besimin pak javë më parë, kur skuadra po shkonte drejt kategorisë së dytë.
“Ai bëri pritje të mira në secilën ndeshje. Nuk është opsion që mos t’i mbështesim lojtarët tanë. Ne po përballemi me nivel shumë të lartë. Duhet të mbështesim talentin që e kanë lojtarët. Ishte paraqitje e madhe nga ekipi”, ka nënvizuar Kompany.
Deri në fund të kampionatit, Burnley i ka edhe katër ndeshje. Skuadra vazhdon të mbetet e parafundit në kampionatin anglez me 23 pikë, por ka ende gjasa për të siguruar mbetjen në elitë. /Telegrafi/
Ish-kryebashkiaku i Himarës, Jorgo Goro, është liruar nga burgu pas dy vitesh izolimi, pas dënimeve të dhëna nga GJKKO. Goro…
Mbrëmjen e së mërkurës një ngjarje e rëndë ka tronditur Turqinë, ku një vrasje me gjakftohtësi e regjistruar nga kamerat…
Mëngjesin e kësaj të premteje, e ngarkuara me punë e SHBA-së, Nancy Vanhorn, ka qenë e pranishme në Kryeministri, vizitë…
Ditën e sotme, një automjet është shkrumbuar nga flakët në autostradën Tiranë-Durrës, në afërsi të kryeqytetit. Raportohet se flakët kanë…
Detaje të reja janë zbuluar nga ekzekutimi i 61-vjeçarit Piro Prronit në fshatin Abat të Shalës, në Shkodër. Pasi u…
Këtë të premte, në të gjitha Universitetet e vendit, ka nisur regjistrimi i studentëve që do të ulen për herë…