“Aguero më ka thënë se do të tërhiqet”, Nasri zbulon mesazhin e argjentinasit (VIDEO)

Kanë ardhur konfirmime në lidhje me tërheqjen e mundshme të Sergio Aguero-s nga futbolli për shkak të problemeve në zemër.

Në orët e kaluara ka ardhur lajmi nga Spanja nga një gazetar i njohur që është shumë afër Kun, i cili ka thënë se Aguero do të lajmërojë javën e ardhshme se o të varë këpucët në gozhdë.

Një lajm që po gjen konfirmime edhe në Francë ku një nga ish-shokët e tij të skuadrës, Samir Nasri, ka folur për Canal+ dhe ka zbu luar një mesazh të marrë direkt nga vetë Aguero.

“Aguero më ka dërguar një mesazh duke më konfirmuar se do të tërhiqet “, ka thënë Nasri për kanalin francez.

“Më trishton shumë sepse është një zgjedhje e detyruar. E di sa shumë e do këtë sport dhe më trishton ta shoh të ndalet. Ka të gjithë mbështetjen time sepse është një njeri që e dua shumë”.