Agim Besim Fagu, një prej figurave më të shquara shqiptare në basketboll dhe diplomaci, feston sot 79-vjetorin e lindjes. Ai lindi më 16 shtator 1947 në Tiranë, në një familje sportistësh, ndërsa jehona e arritjeve të tij u shtri përtej basketbollit shqiptar, edhe në arenën europiane e botërore.
None found
Lindja e Agim Fagut përkon afërsisht me themelimin e Partizanit, pasi ai erdhi në jetë një vit pas krijimit të klubit. Babai i tij, Besim Fagu, ishte një nga themeluesit e Klubit Sportiv Partizani. Agimi u bë më pas një prej basketbollistëve më të mëdhenj të Shqipërisë, duke fituar njohje në mbarë botën.
Shkëlqimi i tij në parket nisi që në moshën 15-vjeçare dhe u pasua nga një kontribut disadekadësh në sport. Me fanellën e Partizanit fitoi 8 tituj kampionë dhe, për një periudhë, mbajti edhe shiritin e kapitenit. Në kujtesën sportive ai ka mbetur si një pikëshënues i nivelit të lartë, lider i Partizanit gjatë viteve ’60-’70 dhe basketbollist me përmasa ndërkombëtare, europiane e botërore.
Për 14 vjet të karrierës së tij, Fagu luajti vetëm për Partizanin, ekip me të cilin triumfoi në 8 kampionate kombëtare. Ai regjistroi gjithashtu 7 Kupa të Shqipërisë dhe u paraqit në 8 edicione të Kupave të Europës, duke grumbulluar dhjetëra vlerësime kombëtare dhe ndërkombëtare.
Në vitin 1967 mori titullin Mjeshtër Sporti, ndërsa më 1969 u shpall Mjeshtër i Merituar Sporti. Në Turneun Olimpik të zhvilluar në Holandë më 1972 ishte shënuesi më i mirë, arritje që e përsëriti edhe në Kampionatin Europian në Gjermani më 1974. Ai mban gjithashtu titullin Mjeshtër i Madh i Sportit dhe është përzgjedhur shumë herë mes 10 sportistëve më të mirë të Shqipërisë.
Pas viteve ’89, Fagu iu përkushtua edhe politikës. Ai kandidoi për postin e kryebashkiakut të Tiranës nën siglën e Partisë Socialiste të Shqipërisë. Në vitin 1998 u emërua ambasador i Shqipërisë në Mbretërinë e Bashkuar, me seli në Londër, detyrë që e ushtroi deri në vitin 2005. Gjatë këtij angazhimi dha një ndihmesë të rëndësishme në forcimin e marrëdhënieve mes dy vendeve dhe në lehtësimin e procedurave të vizave.
Newsport.al i përcjell urimet basketbollistit dhe diplomatit të shquar shqiptar për shumë vite të tjera me jetë dhe shëndet.
Kryebashkiaku i Lezhës, Pjerin Ndreu, ka zyrtarizuar vendimin për të rikandiduar për një mandat të tretë në krye të Bashkisë…
Kundërshtuan dhe goditën me sende të forta, lëndë piroteknike, bomba molotov, sfera dhe vida metalike punonjësit e Policisë, bllokuan qarkullimin…
Kohë “Halloween” dhe protestash. Një person i maskuar si Batman është shfaqur në mes të protestave masive që kanë përfshirë…
Ulja e çmimeve është prioriteti kryesor energjetik për më shumë se gjysmën e shqiptarëve, por kjo nuk pengon mbështetjen për…
nga Irena Beqiraj Kur apartamenti bëhet më i leverdishëm se fabrika, qeveria e gjen zgjidhjen tek taksa ! Debati për…
Qytetarët e Bullgarisë votojnë këtë të diel në raundin e dytë të zgjedhjeve presidenciale, në një proces të shoqëruar nga…