10 transferimet më të mira të Premier Ligës në vitin 2023

Afati kalimtar i transferimeve të verës 2023 ishte një tjetër moment rekord për klubet e Ligës Premier. Në përgjithësi, 20 skuadrat e ligës kryesore shpenzuan mbi 2 miliardë funte për lojtarë të rinj, duke thyer shifrën më të lartë të të gjitha kohërave nga viti i kaluar.

Chelsea ishte kontribuuesi më i madh në këtë rritje rekord, por ata nuk ishin i vetmi klub që pati disa javë jashtëzakonisht aktive. Arsenali, Manchester City dhe Tottenham Hotspur shpenzuan të gjithë mbi 200 milionë funte secili, ndërsa edhe ‘skuadrat më të vogla’ si Bournemouth dhe Nottingham Forest shpenzuan më shumë se 100 milionë funte.

Megjithatë, mburrja e transferimeve më të shtrenjta nuk garanton sukses dhe me reflektim, “klasa e 2023” nuk ka gjasa të shihet si një vit i frytshëm për rekrutët e rinj.

Kai Havertz, Mason Mount dhe Andre Onana janë vetëm tre shembuj të ardhjeve të reja të profilit të lartë që kanë pasur fillim katastrofik në klubet e tyre të reja përkatëse.

Ndërsa viti 2023 po i afrohet fundit, tani është një kohë kur shumë prej nesh zgjedhin të reflektojnë për vitin që ka qenë. Dhe kjo nuk është ndryshe me futbollin. Liga Premier ka qenë interesante si kurrë më parë. Arsenali u rikthye si sfidues për titull, Aston Villa doli si pretendent kryesor, por viti 2023 do t’i përkasë gjithmonë Manchester Cityt fitues i tripletës.

Një pjesë e madhe e emocioneve këtë vit ka qenë ardhja e shumë fytyrave të reja në kampionatin elitar anglez. Disa nga emrat më të mëdhenj në të gjithë Evropën i janë bashkuar ekipeve angleze. Megjithatë, kjo nuk do të thotë se ata ishin nënshkrimet më të mira.

Lojtarët si Andre Onana dhe Mykhailo Mudryk kanë dështuar të përballojnë zhurmën e krijuar deri më tani. Edhe personat si Enzo Fernandez, i cili nuk ka performuar keq që nga momenti kur iu bashkua Chelseat, nuk i janë afruar të bëjnë përshtypjet më të mira deri tani.

Faqja sportive GiveMeSport, ka përpiluar 10 nënshkrimet më të mira në Ligën Premier për vitit 2023, duke marrë parasysh pritshmëritë që ishin vendosur nga lojtarët përpara lëvizjeve të tyre dhe statistikat e tyre individuale.

Më e rëndësishmja, GiveMeSport është përpjekur të marrë parasysh se sa ndikim pozitiv kanë pasur në klubet e tyre të reja që kur u bashkuan.

10. Ross Barkley (Luton Town – falas)
9. Mohammed Kudus (West Ham United – 43 milionë euro)
8. Anthony Gordon (Newcastle – 45.6 milionë euro)
7. Cole Palmer (Chelsea – 47 milionë euro)
6. Dominik Szoboszlai (Liverpool – 70 milionë euro)
5. James Ward-Prowse (West Ham – 34.8 milionë euro)
4. Leandro Trossard (Arsenali – 24 milionë euro)
3. Jeremy Doku (Manchester City – 60 milionë euro)
2. Declan Rice (Arsenal – 116.6 milionë euro)
1. James Maddison (Tottenham – 46.3 milionë euro)