Vëllazëria me Sabianin mori fund? Reagon për herë të parë Ilir Shaqiri

Pas thashethemeve të përhapura kohët e fundit për një prishje të miqësisë mes Sabianit dhe Ilirtit, dy personazheve të Big Brother VIP, ka reaguar për herë të parë Ilir Shaqiri.

Balerini as nuk e pohoi prishjen e miqësisë mes tyre, por as nuk e mohoi.

Në një intervistë, Iliri u shpreh se e vlerëson shumë miqësinë me Sabianin dhe nuk shqetësohet nga komentet.

Pse u prish marrëdhënia me Sabianin?

“Mendoj që ne të dy i kemi dhënë shumë njëri-tjetrit, si brenda, edhe jashtë shtëpisë. Kur dikush bën për mua, di t’ia vlerësoj dhe ta rikëmbej pa ma kërkuar askush. Rëndësi ka kur miqtë dinë çfarë bëjnë dhe flasin në situata të ndryshme, për më tepër kur jemi në qendër të vëmendjes dhe para syve të publikut.

Gjithsesi, mendoj që Sabiani është njëri nga ata që, nëse më ka qëndruar më afër një herë, i kam treguar që di ta vlerësoj dhjetë herë, si me fjalë, ashtu dhe me vepra. Pastaj, fjalët e tepërta janë fukarallëk dhe komentet e lagjes tek unë s’kanë asnjë efekt”, është shprehur Iliri./albeu.com/