Kreu i Partisë Demokratike Sali Berisha ka mbajtur fjalimin e tij para mbështetësve të mbledhur poshte banesës së tij. Berisha u ka bërë thirrje studentëve të mjekësisë që ti bashkohen opozitës në protestën e ditës së martë tek bashkia e Tiranës. Më tej kreu i PD u tha studentëve Bashkohuni me ne në këtë protestë, të ecim së bashku drejt fitores.
PJESË NGA FJALA E BERISHËS:
U bëj thirrje studentëve, bashkohuni me qytetarët. Dje ndodhi përsëri tradhtia e dytë e madhe ndaj tyre. Si hiena në fshehtësi kaluan ligjin përsëri kundër studentëve të mjekësisë. Studente dhe studentë, ngrihuni në lartësinë e guximit.
Ngrihuni kundër atyre që shkelmojnë mbi ju, mbi dinjitetin tuaj. Bashkohuni me ne në këtë protestë, të ecim së bashku drejt fitores. Thirrja ime është për çdo pensionist që rropatet në mospasje të madhe.
Që rropatet i topitur për ushqimin e përditshëm dhe mjekimin, të bashkohet me ne edhe si hakmarrje ndaj këtyre hajnave, që mbi gjakun tonë, mbi djersën tuaj, ndërtojnë pasuritë e tyre përrallore. U bëj thirrje qindra të sëmurëve, cilido që mundet, të bashkohet në këtë protestë, të dërgojë familjarët në këtë protestë. Sepse ky regjim me mungesë ilaçesh ka marrë mijëra e mijëra jetë njerëzish. Fatin e mësueses Kasimati, të mjekuar 8 muaj pa ilaçin që i duhej, e kanë me qindra e qindra të sëmurë të tjerë në Shqipëri.
Kovidi mori në Shqipëri jetë njerëzish më shumë se kudo në Europë dhe në botë.
Sëmundjet e tjera bëjnë kërdinë nga pamundësia për të marrë ilaçet apo nga shndërrimi i Shqipërisë në depozitë të ilaçeve të skaduara dhe pa vlerë.Të ngrihemi, durimi ka tejkaluar çdo kufi. Është koha e guximit. Është koha e zemërimit. Është koha e betejës. Është koha e fitores.
Bashkitë në vend kanë nisur punën për emërimin e administratorëve dhe drejtorëvë të rinj pas urdhrit që dha kryeministri Edi…
Detaje të reja janë zbardhur nga vrasja e 36-vjeçares shqiptare, Marjola Nakoleci. Mësohet se fëmijët e saj të mitur ndonesë…
Eurovisioni po rikthehet në Vjenë, në tempullin e muzikës klasike, e cila doli më e preferuar ndaj qytetit malor të…
Ministria e Mbrojtjes ka publikuar përditësimin së fundmi mbi situatën e zjarreve në vend. Sipas njoftimit, gjatë 24 orëve të…
Presidenti amerikan Donald Trump ka thënë se nuk ishte i kënaqur me sulmin izraelit gjatë natës ndaj një spitali në…
Modelja dhe humanistja shqiptare, Emina Çunmulaj, ka dhuruar 10 mijë dollarë për “Biblotekën e Fëmijëve” në Prishtinë. Ajo u prit…