Është pushuar për herë të dytë radhazi kallëzimi penal që Olsi Rama, depozitoi në SPAK kundër kryetarit të Grupit Parlamentar të Rithemelimit Gazment Bardhi, të cilin e akuzonte për “Kallëzim të rremë”.
Gazment Bardhi, disa kohë më parë ka çuar në SPAK në formën e indicies një material hetimor të ish-Prokurorisë së Krimeve të Rënda, kur raportet e vëzhgimit të policisë kriminale kishin kapur vëllain e Edi Ramës, Olsi Ramës, që lëvizte me një automjet i cili besohej se përdorej dhe nga disa persona të përfshirë në trafikun e drogës.
“Ora News” ka mësuar nga burime brenda SPAK, se vendimi për mosfillimin e hetimeve është marrë nga prokurori, Sotir Kllapi, i cili mësohet se këtë vendimmarrje ia ka depozituar sot dhe Olsi Ramës, vëllait të kryeministrit Edi Rama.
Për herë të parë kallëzimi i Olsi Ramës kundër Bardhit, është mosfilluar në datën 17 Prill 2024, ku prokuropri i SPAK Elvin Gogaj, ka vendosur mosfillimin e procedimit penal.
Arsyetimi i prokurorisë së posaçme, ka qenë se Gazment Bardhi nuk ka bërë kallëzim, dhe në rast se nuk ka një kallëzim, nuk është targetin e SPAK, pasi kjo mund të zgjidhet në rrugë gjyqësore për shpifje apo cenim të imazhit.
Sipas Prokurorisë së Posaçme kjo çështje është kompetencë e gjykatës nëse një palë i drejtohet.
Olsi Rama kallëzoi Gazment Bardhin me pretendimin se ka shpifur ndaj tij në lidhje me përfshirjen e tij në grupin e kokainës së “Xibrakës”.
Por sapo është njohur me mosfillimin e hetimeve sërish Olsi Rama, i është drejtuar me një kallëzim të dytë, duke pretenduar dhe futur një provë të re që lidhet me një status të Gazment Bardhit të bërë më 8 maj në “Facebook”, ku kryetari i Grupit Parlamentar të Partisë Demokratike, thotë se SPAK e ka njoftuar zyrtarisht për rinisjen e hetimeve.
Por edhe pas këtij pretendimi prokurori i çështjes Sotir Kllapi, ka vendosur të mosfillojë hetimet lidhur me kallëzimin penal që Olsi Rama, kishte depozituar kundër Gazmend Bardhit.
Zekirija Ramadani është rikthyer te Gjilani, skuadër me të cilën në aventurën e parë arriti ta përfundonte kampionatin në vendin…
Një protestues ka denoncuar dhunën e pretenduar nga efektivët e policisë gjatë përplasjeve në protestën e zhvilluar në Tiranë. Në…
Një plagosje me armë zjarri është regjistruar mbrëmjen e kësaj të enjteje në zonën e Shkozës, në Tiranë. Sipas informacioneve…
Këngëtarja Elvana Gjata ka reaguar përmes një mesazhi të publikuar në InstaStory ndaj protestave të studentëve në Tiranë duke shprehur…
Sulmuesi shqiptar Albian Ajeti ka shënuar gol në fitoren e rëndësishme të Luganos ndaj Crvena Zvezdës, me rezultat 3-2, në…
Real Madridi ka përmbysur disavantazhin 3-1 për të fituar 4-3 ndaj Romës, falë zëvendësimeve vendimtare, kreativitetit të Arda Gulerit dhe…