Rritja e frikshme e Uzunit, bëhet lojtari më i shtrenjtë në Hungari

Sezoni fantastik që zhvilloi me Ferencvaros duke ndihmuar skuadrën nga Budapesti të shpallej kampione e Hungarisë, ka ngritur në piedestal Myrto Uzunin.

I transferuar një vit më parë nga Lokomotiva e Zagrebit te bardhejeshilët hungarezë për 1,8 milionë euro, Uzuni ka treguar aftësitë e tij në Hungari duke u përshtatur menjëherë dhe duke iu referuar një analize të transfermarkt ai aktualisht është futbollisti më i shtrenjtë në merkato që luan në kampionatin hungarez. Vlera e Uzunit është rritur në 3 milionë euro pavarsisht krizës financiare që ka shkaktuar pandemia COVID-19 dhe ai renditet i pari në këtë klasifikim special duke lënë pas tre shok skuadre, norvegjezin Nguen që e ka vlerën në treg 2,8 milionë euro, portierin e Ferencvaros Dibusz me 2,5 milionë euro dhe mbrojtësin ukrainas Kharatin me 2,2 milionë euro.  Gjatë kësaj vere në drejtim të Myrto Uzunit pritet të ketë shumë oferta me sulmuesin shqiptar që mund të transferohet në një kampionat akoma më të rëndësishëm se ai hungarez.