Paga mesatare mujore bruto për një të punësuar me pagë, gjatë tremujorit të parë 2022, është 59.242 lekë, raportoi INSTAT.
Në krahasim me të njëjtën periudhë të një viti më parë paga është rritur me 5,8 %.
None found
Ndërsa në raport me tremujorin e fundit të vitit 2021, paga mesatare ka rënë lehtë me 0.5%. Përgjithësisht në tremujorin e fundit pagat janë më të larta, për shkak të shpërblimeve të fundit vitit.
Pavarësisht aksionit antiinformalitet kundër nëndeklarimit të pagave, që mori vrull pas rrjedhjes së listës së pagave pak muaj më parë, sërish rritja e pagave nuk duket në nivele të larta.
Për më tepër, rritja e pagave me bazë vjetore është më e ulët sesa inflacioni, që i ka kapërcyer 6%, niveli më i lartë në 20 vjet (shënim i Monitor.
Bankierët më të paguarit, rriten pagat për IT
Sipas INSTAT, Gjatë tremujorit të parë 2022, paga mesatare mujore bruto për një të punësuar me pagë në sektorin “Aktiviteteve financiare dhe të sigurimit” është 93 % më e lartë sesa mesatarja në nivel kombëtar, ndërsa nëgrup aktivitetin “Bujqësi, pyje dhe peshkim” është 35,1 % më e ulët.
Krahasuar me të njëjtin tremujor të vitit të kaluar, gjatë tremujorit të parë 2022 paga mesatare bruto për grup aktivitetin “Informacionit dhe komunikacionit” ka rritjen më të madhe prej 25,8 %, ndërsa rritjen më të vogël e ka aktiviteti “Arte, argëtim dhe çlodhje; Aktivitete të tjera shërbimi” prej 2,7 %.
Gjatë tremujorit të parë 2022, paga mesatare mujore bruto, për një të punësuar në grup profesionin e “Manaxherë, Ligjvënës, nëpunës të lartë të administratës shtetërore dhe drejtorë ekzekutivë” është 73,6 % më e lartë sesa mesatarja në nivel kombëtar, ndërsa në grupin “Punëtorë (Profesione elementare)” është 37,8 % më e ulët.
Krahasuar me të njëjtin tremujor të vitit të kaluar, gjatë tremujorit të parë 2022, paga mesatare mujore bruto për grup-profesionin e Punonjës të montimit dhe përdorimit të makinerive dhe pajisjeve ka rritjen më të madhe prej 9,7 %, ndërsa rritjen më të vogël e ka grup-profesioni i Specialistë me arsim të lartë prej 4,2 %./monitor
Kryeministri i Kosovës, Albin Kurti, ka pritur sot në takim shefin e Zyrës së Bashkimit Europian, atë të EULEX-it, ambasadorë…
Liderë dhe përfaqësues të lartë të vendeve evropiane dhe institucioneve ndërkombëtare do të mblidhen më 22 tetor në Mal të…
Forca Ajrore e Shqipërisë ka përcjellë për herë të parë kontingjentin e saj për t’u angazhuar në misionin e KFOR-it…
Ka dështuar të mbahet mbledhja e Komisionit për të Drejtat dhe Interesat e Komuniteteve dhe Kthim, për shkak të mungesës…
Me katër vota për, asnjë kundër dhe gjashtë abstenime, Komisioni për Buxhet, nuk e ka mbështetur amendamentin e deputetes së…
Ramush Haradinaj ka kritikuar vendimin e sotëm të komisionit, që vendosi të mos përkrahë amendamentin për ndarjen e 1 milion…