Mungoi në Samit, Macron vizitë zyrtare në Shqipëri, agjenda: Nga ceremonia zyrtare, te takimi “kokë më kokë” me Begajn

Presidenti i Francës, Emmanuel Macron nuk ishte i pranishëm në pjesën e parë të Samitit të Procesit të Berlinit, i cili po zhvillohet në Tiranë.

Shkak i shtyrjes së mbërritjes së tij në Tiranë u bë një sulm me thikë në një shkollë të Francës, ku mbeti i vdekur një mësues dhe dy të tjerë u plagosën.

Sakaq, është zbardhur dhe agjenda e vizitës së Presidentit Macron, i cili do të qëndrojë për 2 ditë në Tiranë.

Ai do të takohet ditën e nesërme me homologun e tij, Presidentin e Shqipërisë Bajram Begaj.

Agjenda e plotë: 

Presidenti i Republikës së Francës, Emmanuel Macron, do të zhvillojë një vizitë zyrtare në Shqipëri.

Nesër më 17 tetor 2023 Presidenti francez do të takohet me Presidentin e Republikës së Shqipërisë, Bajram Begaj.

Më poshtë agjenda e vizitës në Presidencë:

8:25 -Mbërritja e Presidentit të Republikës Franceze në Institucionin e Presidentit të Republikës.

Presidenti i Republikës franceze do të pritet nga Presidenti i Republikës, Sh.T.Z. Bajram Begaj.

-Interpretohet  himni kombëtar francez;

-Interpretohet himni kombëtar shqiptar;

-Kryhet kalimi para truprojës së nderit;

-Dy krerët e shteteve prezantojnë ekipet e tyre respektive.

Presidenti i Republikës së Francës ftohet të nënshkruajë në librin e të ftuarve.

Në hollin ”Nënë Tereza” do të bëhet fotoja zyrtare.

08:35 – 09:05 – Takim kokë më kokë mes dy presidentëve.

/Albeu.com