Luiz Ejlli u “lë porosi” fansave, mesazhi që shkroi me gurë në oborr (VIDEO)

Luiz Ejlli është zgjuar shumë herët mëngjesin e sotëm. Teksa rrinte jashtë në oborr, këngëtari ka përdorur disa gurë për të shkruar diçka në tokë.

Duket se ai u ka kërkuar fansave të tij që të votojnë Tan Brahimin nga nominimi i së shtunës.

“Votoni Tanin”, duket se ka shkruar Luizi me disa gurë të zinj, duke qenë se publiku do të votojë ‘kë doni të shpëtoni’.

Kujtojmë se Tanin e shpëtoi Ejlli gjatë zinxhirit, por ishte Valbona Mema që bëri veprimin e papritur. Si lidere e shtëpisë, ajo kishte si fillim të drejtën e nisjes së zinxhirit të shpëtimit.

Më pas, kur të zbuloheshin tre emrat që dolën në nominim, ajo ose do zëvendësonte dy prej tyre, ose do shtonte dy banorë të tjerë.

Valbona vendosi që të shtont dy emra dhe ishin i Tanit dhe Armaldo Kllogjerit. Ky vendim i Bonës është komentuar shumë nga banorët, duke ditur se aktori i humorit kishte kërkuar që të dilte kur ka parë Memën të mërzitur dhe duke qarë.