“Ju lutem shijoni çdo ditë si dhuratë nga Zoti”/ Ndërroi jetë nga leucemia akute, postimi prekës i 19-vjeçares nga Korça që nuk e humbi kurrë shpresën

19-vjeçarja nga Korça, Darda Dhumo u nda nga jeta ditën e djeshme pasi vuante leucemia akute.

Humbja e të resë ishte tronditëse, pasi sëmundjen e mësoi rastësisht teksa shkoi për të dhuruar gjak nga bashkëmoshatarët, dhe humbja e saj ka tronditur

Miqtë dhe të afërmit e saj tregojnë se edhe pse e reja e se sëmundja po i merrte jetë, ajo nuk hoqi për asnjë moment dorë nga besimi në Zot, jeta dhe të shijuarit e momenteve ashtu siç ishin në rrethanat e reja.

Darda, kishte një merak të vetëm, që vetë nuk e bëri dot: “Të shijonte çdo ditë si dhuratë nga Zoti dhe çdo moment me familjen e miqtë e saj.” Deri në frymën e fundit, ajo diti të ishte falenderuese ndaj Zotit dhe shpresës që ai u dhuroi çdo ditë, në këto 19 vite jetë, gjë të cilën e ka dëshmuar edhe një postim në rrjetet sociale disa muaj më parë.

Postimi i Dardës, 31.08.2023

Kush do ta kishte menduar se kjo verë do të ishte si kjo!

Më ka marrë malli për plazhin, dallgët, për t’u djegur nga dielli, më ka marrë malli për të qëndruar me miqtë dhe për t’i përqafuar. Të qenit i izoluar nuk është padyshim mënyra më e mirë për të kaluar verën…

Disa përditësime për të gjithë ju:

Dje fillova ciklin tim të tretë të kimioterapisë, që do të thotë se mund të kem edhe pesë të tjera për të bërë. Përfundimisht, gjithçka duket se po përmirësohet dita ditës. Ka gjithmonë momente që kam dhimbje, e lodhur, momente që kam frikë për të ardhmen ose ndonjëherë emocionale, por mund t’ju siguroj se Zoti gjen gjithmonë një mënyrë për të më kthyer buzëqeshjen dhe gëzimin tim!

Gjatë gjithë këtyre ditëve dhe veçanërisht sot jam ndjerë kaq e inkuruar dhe jam përpjekur të shijoj çdo moment të veçantë për aq kohë sa zgjat. Unë kam filluar të shijoj vende të ndryshme në spital dhe çdo moment të vetëm të kaluar me të gjithë stafin mjekësor këtu. Sot më pëlqeu veçanërisht ky muzg i bukur!

Pra, ndërsa e lexoni këtë, këtu është një mesazh nga unë dhe përvoja ime deri tani:

Ju lutem shijoni çdo ditë si dhuratë nga Zoti, shijoni mëngjesin kur jeni në gjendje të zgjoheni dhe të ndjeni mushkëritë tuaja duke u mbushur me oksigjen, shijoni shëndetin tuaj fizik dhe shijoni çdo moment të kaluar me familjen dhe miqtë tuaj!

Fatkeqësisht, nuk arrita të bëj asnjë nga këto që kur u sëmura, kështu që të lutem bëje për mua! Përqafoni të veçantët tuaj dhe mbi të gjitha mos harroni të falenderoni të vetmin që na jep jetë dhe shpresë! Vetëm kur na merret diçka, kur kuptojmë vlerën që kishte!