shqiperi

Hyn në fuqi paketa e re e rregullave të qarkullimit rrugor në Shqipëri

Që prej 7 gushtit zbatohen ndryshimet e reja në Kodin Rrugor, të cilat parashikojnë ndëshkime më të rënda për drejtuesit që shkelin rregullat e trafikut në Shqipëri. Ndryshimet janë prezantuar nga drejtori i Policisë Rrugore, Perlat Vatoci, i cili ka kërkuar më shumë kujdes dhe përgjegjshmëri nga drejtuesit e mjeteve.

Një nga masat e reja lidhet me drejtimin e automjetit pa leje drejtimi. Kushdo që kapet në timon pa pasur patentë do ta ketë të shtyrë të drejtën për t’u pajisur me leje drejtimi deri në 1 vit. Për personat e mitur, afati i shtyrjes mund të arrijë deri në 2 vjet.

Të lidhura

None found

Rregulla më të ashpra janë vendosur edhe për drejtimin e mjetit nën ndikimin e alkoolit. Leja e drejtimit hiqet përgjithmonë kur drejtuesi rezulton me mbi 0.5 g/l alkool në gjak dhe më herët është konstatuar e dënuar për drejtim automjeti nën efektin e alkoolit ose në gjendje të dehur.

Sipas Policisë Rrugore, kjo masë synon të frenojë aksidentet me pasoja të rënda që shkaktohen nga drejtimi i mjeteve pas konsumimit të alkoolit.

Ndryshimet përfshijnë edhe sjelljet agresive e të rrezikshme në rrugë, sidomos në zonat urbane, pranë shkollave, kryqëzimeve dhe degëzimeve. Për shkelje si mos përshtatja e shpejtësisë me rrugët me fushëpamje të kufizuar, kalimi i shpeshtë nga njëra korsi në tjetrën pa sinjalizim dhe manovrat që vënë në rrezik përdoruesit e tjerë, gjoba është rritur nga 20 mijë në 60 mijë lekë.

Përdorimi i celularit gjatë drejtimit nuk është më shkelje që prek vetëm drejtuesit e automjeteve. Sanksionet zbatohen edhe për personat që përdorin telefonin ndërsa drejtojnë biçikleta, motomjete deri në 50 cc ose monopatina me motor.

Për drejtuesit e automjeteve, pezullimi i patentës për përsëritje të kësaj shkeljeje tashmë vendoset pas dy ndëshkimeve brenda të njëjtit vit. Më parë, ky sanksion kërkonte tre shkelje. Policia e cilëson celularin si një prej faktorëve kryesorë që shkakton humbjen e kontrollit mbi automjetin dhe aksidentet.

Rregulla të veçanta do të zbatohen edhe për personat që e kanë marrë patentën gjatë 24 muajve të fundit. Këto dispozita lidhen me drejtimin nën ndikimin e alkoolit dhe përcaktojnë kufizime specifike për shpejtësinë.

Një ndryshim tjetër është eliminimi i mundësisë për të shmangur pezullimin e patentës duke paguar një shumë sa dyfishi i gjobës maksimale. Deri më 7 gusht, në raste të caktuara, drejtuesi i ndëshkuar me gjobë dhe pezullim mund të paguante dyfishin e masës maksimale administrative për të mos humbur përkohësisht lejen e drejtimit.

Kjo alternativë nuk ekziston më. Kur Kodi Rrugor parashikon pezullimin e lejes së drejtimit, ajo do të pezullohet automatikisht.

Policia Rrugore ka bërë të ditur se strukturat e saj në të gjithë vendin janë njoftuar për ndryshimet dhe kanë marrë udhëzimet për zbatimin e tyre. Drejtuesve u është kërkuar të respektojnë kufijtë e shpejtësisë, të mos drejtojnë pasi kanë konsumuar alkool, të mos përdorin telefonin gjatë drejtimit dhe të shmangin parakalimet apo manovrat e rrezikshme.

 

të fundit

VIDEO/ Deputetes së partisë së Vuçiç i hidhet bidoni me kos në kokë para Parlamentit

Një incident është regjistruar përpara Kuvendit të Serbisë, ku deputetja e Partisë Progresive Serbe (SNS), Lidija Vukiçeviç, është sulmuar nga…

6 minutes ago

Flamuri shqiptar dhe ai i UÇK-së i kushtojnë 3 muaj burg 19-vjeçarit në Kumanovë

Tre muaj burg për 19-vjeçarin në Kumanovë, nxori flamurin shqiptar dhe atë të UÇK-së. Gjykata Themelore e Kumanovës ka dënuar…

7 minutes ago

Evropë, ku mbetet drejtësia?” – “Liria ka Emër” zhvillon protestë para Zyrës së BE-së në Prishtinë

Me një pankartë ku shkruan “Evropë, ku është drejtësia?”, iniciativa “Liria ka Emër” ka zhvilluar një aksion para Zyrës së…

13 minutes ago

Integrimi i sistemeve të pagave dhe personelit synon eliminimin e regjistrimeve të përsëritura

Ministria e Digjitalizimit dhe Administratës Publike ka prezantuar sot ndërlidhjen e Sistemit Informativ për Menaxhimin e Burimeve Njerëzore (SIMBNJ) me…

14 minutes ago

OVL-UÇK: Vendimi ndaj Thaçit është i papranueshëm, institucionet e Kosovës duhet të reagojnë

Xhavit Jashari nga Shoqata e Familjeve të Dëshmorëve të UÇK-së e ka cilësuar të papranueshëm dënimin e ish-presidentit të Kosovës,…

14 minutes ago

Greqi, zarfi me pluhur të bardhë shkakton alarm në Ministrinë e Mbrojtjes së Qytetarit

Në alarm janë vendosur organet greke të Rendit pas zbulimit të një zarfi me pluhur të bardhë që ka mbërritur…

14 minutes ago