Diplomati amerikan Richard Grenell ka vlerësuar publikisht ministren e Shëndetësisë dhe Mirëqenies Sociale, Evis Sala, pas përfshirjes së saj në listën e 100 grave më me ndikim në botë në fushën e onkologjisë për vitin 2026.
Përmes një postimi në platformën X, Grenell uroi Salën për këtë vlerësim, ndërsa rezervoi fjalë të veçanta edhe për rolin e saj në drejtimin e shëndetësisë shqiptare.
None found
“Urime Evis! Shqiptarët janë me fat që e kanë ministre të Shëndetësisë. Ajo është lidere botërore në onkologji”, shkroi Grenell, duke shtuar se puna e saj po sjell ndryshim për njerëzit që përballen me kancerin.
Reagimi i Grenellit vjen pasi platforma ndërkombëtare OncoDaily përfshiu Prof. Evis Salën në listën “100 Influential Women in Oncology 2026”. Sala është pjesë e dhjetë emrave të parë të prezantuar nga kjo listë, e cila evidenton kontributin e grave me ndikim në kërkimin shkencor, trajtimin dhe politikat kundër kancerit, transmeton Albeu.com.
Evis Sala drejton Ministrinë e Shëndetësisë dhe Mirëqenies Sociale që prej shtatorit 2025. Përpara angazhimit në qeveri, ajo ka zhvilluar një karrierë të gjatë akademike dhe mjekësore në institucione të njohura ndërkombëtare, përfshirë Universitetin e Kembrixhit, Memorial Sloan Kettering Cancer Center në Nju Jork dhe Policlinico Gemelli në Romë.
Në profilin e saj zyrtar, Sala rezulton autore e qindra publikimeve shkencore dhe eksperte në imazherinë onkologjike, radiogjenomikë dhe përdorimin e inteligjencës artificiale në diagnostikimin dhe trajtimin e kancerit.
Vlerësimi publik nga Grenell i shtohet jehonës që ka marrë përzgjedhja e ministres shqiptare në listën ndërkombëtare të figurave me ndikim në fushën e onkologjisë. /albeu.com/
Congratulations to Evis! @EvisSala
And to the people of Albania who are lucky enough to have her as their Minister of Health.
She is a world leader in oncology and is making a difference for those warriors fighting cancer. https://t.co/gWve0MCjgW
— Richard Grenell (@RichardGrenell) August 28, 2026
UEFA ka shënuar fitoren e parë ligjore kundër FIFA-s në mosmarrëveshjen mbi planin e Gianni Infantinos për të shitur një…
Gjykatësi Kushtetues, Osman Kadriu duke komentuar kërkesat e studentëve për provimin e jurisprudencës ka deklaruar se nuk ka kuptim që…
Pas disa ditësh pasigurie dhe shqetësimi për fatin e saj, Anxhela Shurdha është rikthyer në Shqipëri dhe tashmë ndodhet pranë…
Një skemë e dyshuar mashtrimi dhe falsifikimi dokumentesh për tjetërsimin e 44.100 metrave katrorë tokë shtetërore është zbardhur nga Prokuroria…
Policia e Tiranës ka finalizuar operacionin e koduar “Taksimetri”, duke arrestuar dy persona, të cilët lëviznin me taksi nga Kruja…
Kryeministri i Kosovës, Albin Kurti, ka njoftuar se është takuar me presidentin e Konfederatës së Zvicrës, Guy Parmelin, raporton Ekonomia…