“Si të përballemi me gjuhën e urrejtjes dhe dezinformimin në media dhe platformat online? Kjo ishte tema e diskutimit të sotëm mes një grupi përfaqësuesish të mediave, akademikësh, dhe shoqërisë civile, të organizuar nga Instituti Shqiptar i Medias në kuadrin e një projekti rajonal të mbështetur nga Bashkimi Europian. Diskutimi u përqendrua te fenomeni i gjuhës së urrejtjes dhe dezinformimit online, roli i medias, legjislacionit, vetë-rregullimit, si dhe standardeve dhe praktikave ndërkombëtare në këtë fushë.
Pas një paraqitjeje të shkurtër të problematikave në lidhje me urrejtjen dhe dezinformimin online, folësi kryesor ishte Toby Mendel, ekspert i legjislacionit për median dhe drejtor i Qendrës për Ligj dhe Demokraci në Toronto, Kanada. Ai foli konkretisht për mënyrat se si gjuha e urrejtjes dhe dezinformimi rregullohen online dhe për nismat e ndërmarra nga kompanitë e mëdha teknologjike si Google apo Facebook në këtë drejtim, sidomos për të shmangur dezinformimin gjatë pandemisë.
Natyra eksperimentale e rregullimit, si dhe zhvillimet e vrullshme teknologjike, e kanë bërë rregullimin ligjor më të nevojshëm, por edhe më të vështirë, duke pasur parasysh kujdesin që duhet treguar kur miratohen ligje që mund të ndikojnë në lirinë e shprehjes.
Gjatë takimit u diskutua dhe roli që mund të kenë vetë mediat apo platformat si vetë-rregulluese të përmbajtjes, apo duke kombinuar legjislacionin me nisma të caktuara etike dhe profesionale. Duke pasur parasysh shpejtësinë e përhapjes së informacionit online si dhe volumin e madh, u sugjerua që mënyra më e mirë do të ishte një kombinim i masave ligjore me vetë-rregullimin e mediave apo platformave.
Pjesëmarrësit u njohën dhe me praktikat më të mira që platforma apo kompani të ndryshme kanë ndërmarrë në këtë drejtim. Po kështu, u diskutua roli i edukimit të publikut për të njohur dezinformimin, problemi i anonimitetit online, shmangia e shkeljeve etike në media, apo dhe filtrimi i gjuhës së urrejtjes nga politika në media.
Policia ka arrestuar autorin e plagosjes së një dite më parë në Kavajë. Shtetasi Eri Velecia, 42-vjeç, dyshohet se ka…
Arbër Hoxha është përmendur shpesh si dëshirë e Sergej Jakiroviç, që e kërkoi për te Hull Siti në Angli. Trajneri…
Zëvendëskryeministrja dhe njëkohësisht ministrja e Infrastrukturës dhe Energjisë, Belinda Balluku, ka ndarë në rrjetet sociale pamje nga festimet e Krishtlindjes.…
Ylli i Barcelonës, Lamine Jamal, është një nga lojtarët më të mirë në qarkullimi dhe kartoni i tij kushton 200…
Zbardhen të tjera detaje nga dosja hetimore e zv.kryeministres Belinda Balluku, për të cilën SPAK kërkon arrestimin. Në një nga…
Të tjera detaje janë zbuluar nga dosja hetimore e Belinda Ballukut, zv kryeministre dhe njëherësh ministre e Energjisë dhe Infrastrukturës,…