Çuçi “fut në rrjet” një pallat në Tiranë: Ka kate pa leje dhe ndryshim projekti nga ai fillestari

Një tjetër pallat pa leje është konfiskuar nga autoritete në Tiranë. Kryeministri Edi Rama ka postuar në rrjetet një tjetër aksion për ndërtimet pa leje. Rama shprehet se vijon operacioni i ligjzbatimit mbi çdo metër shtesë të ndërtuar pa leje për qëllim fitimi.

“Atyre që thonë pse u kujtuat tani, u them jemi kujtuar që ditën e parë të punës, prandaj edhe kemi 10 herë më pak metra katrorë në shkelje të lejeve të ndërtimit, se sa kur e nisëm punën” shprehet Rama.

I pranishëm në këtë aksion ka qenë vetë ministri Bledi Çuçi, i cili u shprehe se të tjerë pallate po verifikohen. Sipas Çuçit pallati i sekuestruar sot ka kate pa leje dhe ka një ndryshim në projekt, pas verifikimit do konfiskohet.

“Nuk është fushatë mediatike, por operacion ligj zbatimi ndaj këtyre guximtarëve që i bazojnë aventurat e tyre mbi sistemin në pjesën e vjetër të drejtësisë. Të cilët kur u vijnë dosjet për krime, e shohin si një mundësi për të pasuruar xhepat e tyre. Kështu ndodh të ndëshkohen njerëz për një avlli dhe këta shpëtojnë nga kjo pjesë e mbetur e sistemit të drejtësisë”, tha Çuçi, ndërsa shtoi se në këto vite është ulur 10 fish numri i sipërfaqeve të nderuara pa leje në Shqipëri.