A do të ketë largime të drejtuesve, Rama pas Asamblesë: Ndryshimet janë pjesë e jona

Ka përfunduar mbledhja e Asamblesë Kombëtare të Partisë Socialiste. Pas mbledhjes kreu i PS, Edi Rama tha për gazetarët se kjo mbledhje kishte si qëllim për të vijuar me angazhimet e reja, ku përfshihen edhe balancat gjinore në ato organizata ku ka probleme.

“Shkoi shumë më mirë se sa disa nga kolegët mendonin dhe shpreheshin. Jemi në fazën e dytë, që është faza e angazhimit për anëtarësimet e reja, dhe për adresimin e balancës gjinore, në disa organizata në çdo qark”, tha Rama.

I pyetur nga gazetarët nëse do të ketë ndryshime në parti, Rama theksoi se PS ëhstë këtu sot për shkak se herë pas here ndryshon veten.

“Ndryshimet janë pjesë e jetës së PS, prandaj PS është parti fituese pasi nbdryshoin vetveten. Unë shoh një angazhim pozitiv edhe nga raportimet e sotme, është e qartë që angazhimi është pozitiv. Plus që sistemi ynë është një sistem që ka pasqyra të cilat flasin vetë, dhe nuk është se çfarë raporton njëri apo tjetri”, tha Rama.