Xhensila Myrtezaj bashkon forcat me 2 reperët më të mirë shqiptarë

Xhensila Myrtezaj është padyshim një nga këngëtaret më të preferuara të publikut shqiptar dhe këtë e kanë treguar gjithmonë shifrat e klikimeve në këngët e saj. Vit pas viti Xhensila ka realizuar dhjetëra hite dhe shpesh ka bashkuar forcat me artistët më në zë për të sjellë projektet më të bukura muzikore.

Dueti i fundit që ajo solli ishte me Ardian Bujupin në verën e vitit të shkuar, që u kthye shumë shpejt një super hit. “Panorama” vazhdon të dëgjohet ende dhe sot e pavarësisht se nuk kishte klube të hapura ku mund të luhej, kënga rezultoi si më e suksesshmja e 2020-s.

Ndërkohë këtë vit duket se Xhensila do të bashkojë sërish focat me artistët më të mirë shqiptarë për një këngë të re. “Prive” ka mësuar se këngëtarja do të bashkëpunojë me Getoarin dhe Majk. Sipas burimeve kënga është në punim e sipër dhe do të publikohet gjatë muajve në vijim, por ende nuk ka një datë të saktë. Gjithashtu thuhet se Xhensila do të sjellë edhe projekte të tjera solo e bashkëpunime, që po ashtu mendohet se do të jenë shumë të suksesshme.

Sa i përket Getoarit dhe Majk kujtojmë se në muajin dhjetor 2 reperët publikuan këngën “Hajde te baba”, që ishte një diss për reperët. Edhe ky bashkëpunim i dy djemëve të “Babastars” u prit shumë mirë nga publiku.