Xheneta nxjerr sekretin e romancës Jozi-Loredana

Para pak ditësh, modelja e njohur njëherazi ish-banorja e “BBVA4”, Loredana Brati organizoi një festë të madhe për ditëlindjen e saj ku të ftuar ishin personazhe të njour për publikun shqiptar.

Mirëpo interesi ishte i madh për të zbuluar nëse në këtë ditë ishte apo jo Jozefin Marku prezent?!

Kjo pasi gjatë rrugetimit të tyre në “BBVA4”, dyshja në fjalë përjetoi një romancë.

Kjo gjë është diskutuar dhe në emisionin “Trotuar” ku në panel ishin të ftuarit nga ditëlindja e Loredanës.

Në mesin e tyre, aktori i njohur i “Portokallisë”, Juxhin Plovishti, i cili ndonëse flet për dyshen romantike, tregohet i kujdesshëm për të mos treguar detaje.

“Erdhi nga fundi, po më duket se erdhi të merrte Valbonën”, tha Juxhin Plovishti, duke shkaktuar të qeshura në studio.

Në lidhje me këtë u shfaq paksa e irrituar, Xheneta Fetahu e cila ndërhyn dhe shprehet: “Jooo”.

“Ka qenë dhe e ka uruar deri te dera. Nuk ka dashur që të futet brenda për arsye që ndonjë ish-banor kishte agravuar situatën. Nuk ka dashur që t’i prishë ditëlindjen Loredanës”, tha Xheneta.

E pyetur nëse vazhdojnë të jenë bashkë, Xheneta shton më tej:

“Atë nuk mund ta them unë, por po të përgjigjem për pyetjen e ditëlindjes. Po ka qenë dhe e ka uruar. Pyet Loredanën dhe Jozin”.