Ish-kryeministri kanadez Justin Trudeau dhe ylli i popit Katy Perry kanë ngjallur spekulime për një romancë të mundshme, pas një serie shfaqjesh publike të njëpasnjëshme në Montreal.
Vetëm pak ditë pasi u panë duke darkuar bashkë në restorantin e njohur Le Violon, të dy u shfaqën sërish në të njëjtin qytet, këtë herë në koncertin e Perry-t, pjesë e turneut të saj në Kanada.
None found
Trudeau, i shoqëruar nga vajza e tij, Ella-Grace, u pa duke kërcyer dhe kënduar së bashku me turmën, ndërsa Perry performonte hitin e saj “Dark Horse” më 30 korrik.
Pamjet që qarkullojnë në rrjetin social X (ish-Twitter) tregojnë Trudeau-n duke ndjekur me interes këngëtaren në skenë dhe duke u përfshirë plotësisht në atmosferën festive.
Kjo ka bërë që fansat të nisin spekulimet për një afrim të mundshëm mes dy yjeve publikë, veçanërisht duke marrë parasysh ndarjet e fundit të të dyve.
Sipas TMZ, Perry dhe Trudeau kaluan kohë së bashku më herët atë ditë në një shëtitje në Mount Royal Park, përpara se të shkonin për darkë në Le Violon.
Një dëshmitar i pranishëm tha se ata ndanin kokteje dhe pjata të ndryshme, përfshirë një me karavidhe.
Samantha Jean, konsulente komunikimi për restorantin, konfirmoi për Canadian Press se të dy qëndruan për rreth dy orë, duke theksuar se ishin “të sjellshëm dhe miqësorë” me stafin.
“Përshtypja që na lanë ishte se ishin shumë të relaksuar. Nuk kishte shfaqje të dukshme dashurie apo diçka që sugjeronte diçka më shumë,” tha Jean.
Ajo shtoi se Shef Smiles i përshëndeti shkurtimisht dhe se përpara se të largoheshin, Trudeau dhe Perry ndaluan në kuzhinë për të falënderuar personalisht stafin, një gjest që dëshmon për qasjen e tyre të përulur dhe diskrete.
Ky interes i publikut vjen pas ndarjeve të bujshme që të dy kanë përjetuar: Katy Perry i dha fund marrëdhënies me aktorin Orlando Bloom, ndërsa Trudeau, 54 vjeç, njoftoi në gusht 2023 ndarjen nga bashkëshortja Sophie Gregoire, pas 18 vitesh martesë.
Ndërkohë, as Perry dhe as Trudeau nuk kanë komentuar publikisht mbi natyrën e marrëdhënies së tyre.
Megjithatë, shfaqjet e përsëritura dhe afërsia mes tyre kanë ndezur kureshtjen e publikut dhe mediave në të gjithë globin.
Presidenti i Serbisë, Aleksandar Vuçiq, ka reaguar ndaj qëndrimeve të zv.kryeministrit të parë të Qeverisë së Maqedonisë së Veriut, Bekim…
Të rinjtë në Maqedoni largohen nga shtëpia e prindërve në një moshë mesatare prej 30.7 vjeç, ndryshe nga të rinjtë…
Në përgjigje të reagimeve dhe deklaratave të fundit nga zyrtarë të lartë shtetërorë dhe politikë në lidhje me vendimet e…
Kryetari i PDK-së, Bedri Hamza është deklaruar para mediave. “Sot, PDK, ka diskutuar situatën pas vendimit të djeshëm të Gjykatës…
Kremlini ka paralajmëruar se miratimi i sanksioneve të reja ekonomike kundër Rusisë nga ana e Shteteve të Bashkuara do të…
Anëtari i Kryesisë së Partisë Demokratike të Kosovës, Abelard Tahiri, ka thënë se do të ndërmarrin të gjitha hapat e…