“Vetëm durim vëlla”, Elgit Doda i del në mbrojtje Romeos, shpërthen keq ndaj Meritonit

Pavarësisht se para se të hynin në BBV, Romeo dhe Meritoni ishin miq, qëndrimi në të njëjtin ambient ka sjellë përplasje të forta mes dyshes, duke u shndërruar në kundërshtarë të fortë.

Në një prej spektakleve të BBV, Meritoni akuzoi hapur Romeon se ngacmonte gratë e shokëve, duke lënë të nënkuptohej se bëhej fjalë për Klea Hutën, bashkëshorten e Elgit Dodës.

Edhe pse Elgiti nuk ka reaguar drejtpërdrejtë në lidhje me këtë deklaratë të Meritonit, ditën e sotme, kompozitori ka bërë një postim në profilin e tij të Instagramit, përmes të cilit e ka quajtur Meritonin, përndjekës grash.

Këngëtari ka shkruar disa fjalë edhe për Liamin, duke e ironizuar për arrestimin e tij në BBV.

“Kush ka ngelur të tregojë burrërinë, njëri që kap policia për mashtrim në mes të emisionit dhe tjetri që përndjek gratë. Që të dy i ngacmojnë tjetrit vajzën që ka në krah vetëm për ta nxjerrë nga vetja. Hajde burrëri hajde“, ka shkruar Elgiti në postimin e tij ë Instastory.

Ai më tej ka treguar mbështetjen me Romeon, duke i uruar që të ketë durim për këto situata që po ndodhin në shtëpi.

“Vetëm durim vëlla”, shton Elgiti.