U shpërngul në Dubai pas ndarjes dhe akuzave të rënda ndaj Feros, Arbenita Ismajli zbulon si ka ndryshuar jeta e vajzës së saj

Modelja Arbenita Ismajli, ka zbuluar për ndjekësit se si ka ndryshuar jeta e saj dhe e vajzës, Ninës, pas shpërnguljes së tyre në Dubai pas ndarjes me sherr dhe akuza të rënda për dhunë ndaj ish-partnerit të saj, Feros.

Ajo ka publikuar një fotot të së bijës gjatë një vizite në një kopsht zoologjik, ku Nina duket se po kalonte një ditë të bukur.

“Janë bërë një vit prej që jemi shpërngulur në Dubai, duke të shikuar ty qe po lulëzon po shërohem thell”, ka shkruar në Instagram Arbenita.

Kujtojmë se Gjykata Themelore në Gjilan ka lëshuar urdhër-arrest dhe letër-rreshtim ndërkombëtar ndaj Arbenita Ismajlit.

“Po, është e vërtetë që kemi lëshuar urdhër-arrestin dhe letrën e rreshtimit ndërkombëtar. Në ditën që është bërë kërkesa nga ana e Prokurorisë Themelore në Gjilan, Gjykata ka ndërmarrë të gjitha veprimet e nevojshme, konform kompetencave ligjore dhe në përputhje me legjislacionin në fuqi”, Sabit Shkodra, udhëheqës i Zyrës për Informim dhe Komunikim me Media në Gjykatën e Shkallës së Parë në Gjilan.

Prokuroria Themelore në Gjilan kishte filluar hetimet ndaj Ismajlit në qershor të këtij viti, pas dyshimeve se ajo nuk kishte zbatuar një vendim gjykate për takimet e vajzës së saj me babanë biologjik, Feronit Shabani.