U rikthye në vendlindjen e tij, aktori Cillian Murphy zbulon arsyet pse u largua nga Londra pas 14 vitesh qëndrim

Aktori Cillian Murphy zbuluar arsyet se pse vendosi që të rikthehet në vendlindjen e tij Irlandë, në vitin 2015, pas 14 vitesh jetesë në Londër.

Ylli i ” Peaky Blinders “, i cili ka dy fëmijë Malachy dhe vjeç Aran me gruan e tij Yvonne McGuinness, kaloi mbi një dekadë duke jetuar në Londër, për t’u rikthyer më pas në atdheun e tij Irlandën.

Gjatë një bisede me Dax Shepard në podcast-in e tij, Cillian Murphy zbuloi se lëvizja e tyre në vitin 2015 erdhi pasi ai donte që fëmijët e tij të ishin irlandezë.

Ai shpjegoi: “Ne donim që fëmijët të ishin irlandezë. Ata ishin disi në atë moshë ku ishin para adoleshencës dhe kishin thekse shumë elegante angleze dhe unë nuk po e vlerësoja shumë këtë! Kështu që vendosëm të ktheheshim. Ne ishim në Londër për 14 vjet, të dy fëmijët tanë lindën atje dhe ne u kthyem në Dublin vetëm në vitin 2015. Është një lloj historie irlandeze të largohesh, të bësh gjënë tënde dhe të kthehesh në shtëpi, kjo duket të jetë një tregim i zakonshëm për irlandezët.”

Ndërsa thekset e fëmijëve të tij luajtën një rol të madh të vendimit për lëvizjen, kishte edhe faktorë të tjerë të cilët Cillian i zbuloi gjatë podcastit. Ai tha se një tjetër arsye ishte që ai të qëndronte afër prindërve të tij dhe të Yvonne.

“Dhe ju e dini, prindërit tanë janë në një moshë të caktuar. Ishte një kohë e mirë për t’u kthyer në shtëpi”, shtoi ai.

Aktori është i njohur për mbajtjen e jetës së tij familjare mjaft private, duke ndarë rrallë herë foto me gruan dhe fëmijët e tij. Cillian u bë një emër i njohur ndërsa filloi rolin e tij si Tommy Shelby, një udhëheqës bande në Birmingham, në serialin e njohur Peaky Blinders.