Gjatë ditës së djeshme, rrjetet sociale u pushtuan nga një fotografi ku shihej artisti Gjesti pranë një vajze, imazh i cili u përhap me shpejtësi dhe u interpretua nga shumë ndjekës si një paralajmërim për rikthimin e tij në muzikë. Fotoja u konsiderua nga fansat si provë e xhirimeve të një videoklipi të ri, që supozohej të shënonte rikthimin e artistit në skenë pas periudhës së vështirë emocionale, të shkaktuar nga humbja e vëllait të tij.
Megjithatë, pas një verifikimi të kujdesshëm mbi origjinën e imazhit, rezulton se e vërteta është krejt ndryshe nga ajo që u aludua fillimisht. Fotoja që qarkulloi gjerësisht në rrjet nuk është reale, por është krijuar përmes Inteligjencës Artificiale (AI). Përdorimi gjithnjë e më i shpeshtë i këtyre teknologjive ka sjellë konfuzion te publiku, duke bërë që shumë ndjekës të besojnë në një rikthim të menjëhershëm të artistit përmes një projekti vizual.
Nga ana tjetër, Prive bën të ditur se, ndonëse imazhi ishte i rremë, Gjesti nuk ka qëndruar duarkryq. Ai po punon intensivisht në studio muzikore, duke u fokusuar në krijimin e këngëve të reja dhe duke shprehur përmes muzikës emocionet e tij të forta. Aktualisht, nuk ka nisur asnjë xhirim klipi, siç u pretendua në postimet virale.
Rikthimi i Gjestit po pritet me interes të madh nga publiku, i cili i ka qëndruar pranë artistit me mbështetje dhe mesazhe ngushëllimi gjatë muajve të fundit.
Në shtëpinë e “Big Brother VIP Albania”, tensionet po rriten nga dita në ditë dhe tashmë banorët janë ndarë në…
Një zarf i zi ka mbërritur ditën e sotme në shtëpinë e “Big Brother VIP Albania”. Ardhja e tij vjen…
Përfundon operacioni për Call Center në Tiranë, i cili nisi mbrëmjen e djeshme. Detaje të reja janë zbuluar në lidhje…
Rikthehet sërish kaosi dhe trafiku i rënduar në aksin e rrugës kombëtare Tuneli i Krrabës-Rrethrrotullimi i Bradasheshit, në hyrje të…
Kryeministri Edi Rama, në mbyllje të takimit, njoftoi ngritjen e një grupi të përbashkët pune mes qeverisë dhe bashkive. Sipas…
Nga 15 janari, Administrata Tatimore ka nisur kontrollet për verifikimin e deklarimit e deklarimit të pagava në sektorin e ndërtimit…