Tre miq të rinj i bashkohen Eglës, Meritonit e Ilnisës, kush janë ata? (VIDEO)

Prej mbrëmjes së kaluar, tre banorët e përjashtuar nga shtëpia e BBV, Egla, Ilnisa dhe Meritoni janë zhvendosur në Dhomën e Bardhë, ku do të qëndrojnë deri të shtunën, ku publiku do të vendosë të rikthejë në garë dy prej tyre.

Ditën e sotme, një zarf i bardhë ka mbërritur në dhomën e bardhë, i cili është lexuar nga Ilnisa. Në të shkruhej se tre miq të rinj do t’i bashkohen dhomës së tyre, për të cilët duhet të kujdesen.

“Në ditët tuaja të qëndrimit në dhomën e bardhë nuk do të jeni vetëm. Vëllai i Madh iu ka sjellë tre miq, të cilët do t’ju shoqërojnë. Kujdesuni për ta dhe mbajini afër”, shkruhet në zarf, i cili është lexuar nga Ilnisa.

Egla: Cfarë janë?

Ilnisa: Tre miq.

Egla: Shpresoj të jenë qenusha.

Egla, Meritoni dhe Ilnisa kanë dalë menjëherë në oborr, ku kanë gjetur tre qenusha të vegjël, për të cilët duhet të kujdesen.