Shakaja e hidhur e Denata Toçes që bëri për të qarë bashkëshortin në studio (VIDEO)

Psikologia Denata Toçe ka vendosur që gjatë emisionit “S’e Luan Topi”, t’i bëjë një shaka të “vogël” bashkëshortit të saj, Arben Skënderit.

Teksa ishin duke folur për jetën e tyre dhe dëshirën për të pasur një fëmijë tjetër, vajzë, Denata i tha se është shtatzënë dhe se këtë lajm e kishte kuptuar së fundmi.

Arbeni nga ky lajm mbeti aq i shtangur sa derdhi edhe lot.

Denata: Unë e di që ti ke pritur shumë kohë që të kesh një vajzë, po të të them që unë jam shtatzënë?

Arbeni: Fantastike, një në dy është ajo, një shans është ta kem një gocë, ku i dihet.

Denata: Domethënë je gati ti?

Arbeni: Po jam gati.

“Je okay domethënë, je i lumtur”, e pyet moderatoria ndërsa Arbeni dukej paksa i hutuar.

“Totalisht”, përgjigjet ai.

“E mora vesh sot, jam shtatzënë!”, ishte kjo fjalia e Denatës që e bëri Arbenin të qaj.

Denata më pas i kërkoi falje dhe i tregoi të vërtetën duke thënë se ishte një shaka në bashkëpunim me produksionin.

“Është një ndër gjërat që ai ka merak. Nuk është vajza në vetvete. Beni i adhuron kalamajtë. Ne po të kishim pasur mundësi, ma kujton përherë atë dyvjeçarin: ‘Më ke humbur dy vite kohë’. Ato dy vite kohë do kishim pasur një vogëlush më tepër. Pak rëndësi ka është djalë apo vajzë, Beni është shumë i lidhur me kalamajtë”, tregon Denata për bashkëshortin e saj.

“Thjesht kaloj kohë me ta dhe është një ndër investimet më të bukura që bën çdokush”, shprehet Arbeni.