Këngëtarja dhe aktorja e njohur Selena Gomez duket se po mbyll një tjetër kapitull të jetës së saj, pasi ka vendosur të nxjerrë në shitje vilën e saj luksoze në Encino, Kaliforni, vetëm pak muaj pasi nisi një fazë të re me producentin muzikor Benny Blanco.
Sipas raportimeve, artistja ka vendosur pronën në treg për 6.49 milionë dollarë, ndërsa rezidencën e kishte blerë në vitin 2020 për rreth 4.89 milionë dollarë, shumë kohë përpara se historia e saj e dashurisë me Benny Blanco të bëhej publike.
None found
Vendimi për shitjen e vilës vjen pasi çifti bleu një rezidencë shumë më të madhe dhe luksoze në Beverly Hills, me vlerë rreth 35 milionë dollarë, ku tashmë po shijojnë jetën e tyre të re.
Prona në Encino konsiderohet një nga vilat më luksoze në zonë. Ajo shtrihet në rreth 11,500 metra katrorë, duke ofruar gjashtë dhoma gjumi dhe tetë tualete, ndërsa ka një histori të veçantë, pasi më parë i përkiste legjendës së muzikës Tom Petty, i cili e ndërtoi shtëpinë në vitin 1989 dhe jetoi aty deri në vitin 2017.
Përpara se Selena Gomez ta blinte, vila iu nënshtrua një rinovimi total dhe sot përshkruhet si një “kompleks privat për yje”, me ambiente luksoze dhe komoditete ekskluzive.
Brenda saj ndodhen një palestër private, dhomë masazhi, kinema personale, bodrum vere, studio muzikore dhe madje një “vocal booth”, që besohet se ishte pjesë e studios origjinale të Tom Petty-t.
Një nga hapësirat më tërheqëse është kuzhina elegante me sipërfaqe mermeri, ishull qendror dhe dizajn klasik, ndërsa jashtë vilës gjenden një pishinë gjigante, spa, bar, kabana private dhe një ujëvarë dekorative që derdhet drejt pishinës.
Edhe pse shtëpia tashmë është zbrazur nga sendet personale të artistes, disa detaje të stilit të Selena-s duket se ende mbeten aty. Në fotot e publikuara nga agjencitë imobiliare, në ekranin e kinemasë private shfaqet madje një video e këngëtares gjatë një performance.
Ndërkohë, Selena Gomez dhe Benny Blanco po shijojnë jetën në rezidencën e tyre të re në Beverly Hills, të cilën e blenë në fund të vitit 2024. Prona luksoze përfshin shtatë dhoma gjumi, 12 banja dhe dy shtëpi të veçanta për mysafirë, duke konfirmuar një tjetër hap të madh në jetën e çiftit.
Zyrtarët doganorë në pikën kufitare të Bogorodicës kanë sekuestruar shtatë gjarpërinj të rinj, katër prej të cilëve pitonë, si dhe…
Kryeministri Albin Kurti, pasditen e së premtes ka pritur në takim Myftiun Naim Tërnava, kryetarin e Bashkësisë Islame të Kosovës.…
Rrjeti i Grave të Kosovës ka ftuar të gjithë qytetarët, organizatat dhe institucionet t’i bashkohen protestës gjithëpopullore kundër vrasjes së…
Kryetari i Partisë Demokratike të Kosovës, Bedri Hamza ka uruar ditëlindjen e 27 të partisë. Në urimin e tij, Hamza…
Nëntë persona kanë humbur jetën në një ngjarje të rëndë me armë zjarri në Pensilvani të Shteteve të Bashkuara, në…
Një 51-vjeçare gjermane është arrestuar në pikën kufitare të Kakavijës, pasi gjatë kontrollit të automjetit me të cilin udhëtonte, policia…