Sasa rrëfen marrëdhënien toksike: Më ka shfrytëzuar në të gjitha mënyrat, s’më ka folur as familja

Banorja e Big Brother VIP Kosova, Sasa Hoda, ka ndarë një nga rrëfimet më personale gjatë një bisede me banorët e tjerë, ku ka folur për lidhjen e gjatë që ka pasur dhe sfidat që ka përjetuar brenda saj.

Ajo zbuloi se ka qenë në një marrëdhënie 10-vjeçare, të cilën e kishte nisur kur ishte ende shumë e re.

“Kam qenë dhjetë vite me të dashurin tim edhe unë kam menduar se kam qenë 21 vjeçare. Kam qenë tepër e re plus e kam pasur një kompleks gjithë kohën se vetëm ai më do dhe askush tjetër dhe ai e ka shfrytëzuar situatën”, u shpreh ajo.

Sasa tregoi se ish-partneri i saj e kishte manipuluar emocionalisht për një periudhë të gjatë, duke e bindur se nuk kishte vlerë dhe se askush tjetër nuk do ta donte.

“Ai e ka shfrytëzuar situatën duke më thënë se ty nuk të do askush përveç meje, edhe unë jam ndal. Ai më ka shfrytëzuar mua gjithqysh emocionalisht, financiarisht”.

Kam qenë në gjendje për të me humb çdo njeri. Familja ime nuk më ka folur me muaj për çështje të tij”, shtoi ndër tjerash.