Sabalenka shkëlqen në US Open me bizhuteri luksoze: 127 karat safirë, turmalina e granatë

Aryna Sabalenka u vu në qendër të vëmendjes në US Open jo vetëm për paraqitjen sportive, por edhe për setin e veçantë të bizhuterive që mbajti gjatë turneut amerikan.

Numri 1 i botës u shfaq në ndeshjen e dysheve të përziera, ku luajti së bashku me Novak Djokovic, me vathë, gjerdan dhe byzylyk nga koleksioni “Prisma”, i realizuar në bashkëpunim me shtëpinë Material Good.

Seti përmban gjithsej 127 karat gurë të çmuar dhe gjysmë të çmuar, përfshirë safirë, turmalina dhe granatë, të vendosur në forma dhe ngjyra të ndryshme.

Gjerdani është një prej pjesëve më të veçanta të koleksionit. Ai është ndërtuar me baza të hapura, të cilat u japin gurëve mundësinë të lëvizin. Sipas Material Good, ky koncept është marrë nga lëvizjet dinamike të Sabalenkës në fushën e tenisit.

“Prisma” përbëhet nga tri bizhuteritë e vendosura nga tenistja bjelloruse: vathët, gjerdani dhe byzylyku. Çmimet e tyre nuk janë publikuar, ndërsa blerja mund të bëhet vetëm me kërkesë.

Sabalenka kishte tërhequr vëmendjen edhe në Roland Garros, ku ishte paraqitur me bizhuteri me vlerë rreth 140 mijë euro.

Pas përfundimit të ndeshjes, tenistja shkoi në dyqanin e Material Good në Manhattan, ku u prezantua zyrtarisht koleksioni. Ajo i mbajti sërish bizhuteritë gjatë aktivitetit.

“Bizhuteritë janë një mënyrë për mua për të shprehur veten, si në fushë ashtu edhe jashtë saj”, u shpreh Sabalenka.

“Ky bashkëpunim më dukej si një hap i natyrshëm në evolucionin e stilit tim”, shtoi ajo.

Ndërkohë, në aspektin sportiv, rrugëtimi i Sabalenkës dhe Djokovic në dyshet e përziera u mbyll në raundin e 16-shes, pas eliminimit të tyre nga turneu.