Rikthehet “Goca dhe Gra”, zbulohet data e sezonit të ri televiziv

Programi televiziv “Goca dhe Gra” vjen sërish! Ai do të rikthehet së shpejti në ekran me sezonin e tij të gjashtë.

Lajmi u konfirmua përmes faqes zyrtare të emisionit në Instagram, ku është bërë publike edhe data e nisjes së sezonit të ri: e hëna, 30 shtator.
The Weeknd zëvendësohet nga Cardi B në Festivalin Global Citizen ‘për arsye personale’
The Weeknd zëvendësohet nga Cardi B në Festivalin Global Citizen ‘për arsye personale’
10:52 23/09/25
Megjithatë, ajo që ka nxitur më shumë diskutime dhe kureshtje në rrjete sociale është mungesa e detajeve për panelin e ri. Deri më tani, faqja nuk ka zbuluar asnjë nga emrat që do të marrin pjesë këtë sezon, duke i lënë ndjekësit në pritje dhe duke nxitur spekulime për ndryshime të mëdha.

Burime pranë produksionit sugjerojnë se ky sezon do të sjellë emra të rinj dhe të papritur në tryezën e diskutimit, duke e dalluar qartë nga sezoni i kaluar.

Ky talk-show është i njohur për përfshirjen e disa moderatoreve dhe të ftuarave njëkohësisht, të cilat trajtojnë tema aktuale që lidhen me shoqërinë, jetën personale, marrëdhëniet, kulturën pop dhe më shumë.

Për publikun që ka ndjekur me interes çdo episod, mbetet edhe vetëm pak kohë për të zbuluar surprizat që ky sezon i ri ka rezervuar. Deri atëherë, rrjetet sociale vijojnë të vlojnë nga hamendësimet dhe dëshirat për rikthimin e moderatoreve të preferuara.