“Pse je kaq mendjemadhe dhe falso?”/ Reagimi epik i Bora Zemanit ndaj akuzave të ndjekësve në rrjetet sociale

Bora Zemani ka zhvilluar së fundmi një bashkëbisedim me ndjekësit e saj në rrjetet sociale, ku u është përgjigjur pyetjeve dhe komenteve të ndryshme. Mes shumë mesazheve pozitive, nuk mungoi edhe një koment kritik që tërhoqi vëmendjen.

Një ndjekës iu drejtua moderatores me fjalët: “Pse je kaq mendjemadhe dhe kaq falso. Këtu bën si e mirë, por ata që të njohin thonë je mendjemadhe shumë.”

Në vend që të hynte në polemikë, Bora zgjodhi ta trajtonte situatën me qetësi dhe humor. Përgjigjja e saj ishte e shkurtër, por plot ironi:

“Ata e dinë më mirë, gjithmonë,” shkroi ajo, duke e shoqëruar reagimin me një emoji që qesh me lot. Me këtë përgjigje, Bora Zemani tregoi edhe një herë se preferon t’u përgjigjet kritikave në rrjetet sociale me humor, pa u përfshirë në debate të panevojshme.