Protesta për Zvërnecin/ Këngëtarja Ronela Hajati shtyn publikimin e këngës së re me Capital T: Do kemi kohë për të kërcyer, sot ka protestë

Këngëtarja e njohur shqiptare Ronela Hajati ka vendosur të shtyjë datën e publikimit të bashkëpunimit të saj të ri me Capital T.

Në një njoftim të bërë përmes rrjeteve sociale, këngëtarja shprehet se, vendimi vjen si një shenjë solidariteti me situatën aktuale në vend, duke shprehur keqardhjen e saj për ngjarjet e fundit. Kënga, e cila pritej të publikohej së shpejti, do të dalë tani të hënën.

“Publikimi i kenges me Capital T shtythet per te Henen, njelloj si anullimi i cdo eventi apo koncerti kete fundjave. Per respekt te ngjarjeve te fundit, mendoj se eshte minimumi . Si nje vajze qe sjam perfshire kurre ne politika, fare e pavarur , me duket gjeja me e vogel ne respekt te nje populli qe eshte i vetmi qe ne fund te dites me ka degjuar ,rritur dhe mbeshtetur Do kemi kohe per te kercyer e per te degjuar muzike gjithe kohes. Btw sot ne 18:00 ka proteste , shihemi.”, shkruan këngëtarja.