Categories: showbiz

Portokalli” rikthehet sonte në Top Channel me Agron Llakajn dhe Kiara Titon

Spektakli i humorit “Portokalli” nis sonte sezonin e 46-të në ekranin e Top Channel, duke rikthyer te publiku personazhe të njohura dhe figura të reja.

Të lidhura

None found

Agron Llakaj rikthehet në drejtimin e teatrit të “Portokalli”, ku do të shfaqet jo vetëm si moderator, por edhe si aktor përmes disa prej roleve që janë dashur ndër vite nga publiku.

Llakaj e ka cilësuar rikthimin në program si një kënaqësi të veçantë, veçanërisht në ekranin që e konsideron shtëpinë e tij. Ai u shpreh se ishte i emocionuar të rikthehej përballë publikut, pasi nuk ishte shfaqur prej vitit 2020.

Në krah të tij në moderim do të jetë Kiara Tito, e cila premton një mënyrë të re komunikimi me spektatorët në sallë dhe shikuesit në ekran.

Kiara Tito tha se energjia e mirë mes saj dhe Agron Llakajt do të përcillet te publiku, ndërsa shprehu kënaqësinë për prezantimin me të, pasi e ka ndjekur që në fëmijëri.

Pas një periudhe të gjatë përgatitjesh, premiera e së premtes solli një program të pasur me surpriza, rikthime personazhesh pas shumë vitesh dhe karaktere të reja.

Aktori Erblin Bejko u shpreh se trupa e ndien më të madhe përgjegjësinë për të sjellë një sezon edhe më të fuqishëm, duke i garantuar publikut se nuk do të zhgënjehet.

Pjesë e trupës këtë sezon do të jetë edhe Albano Bogdo, i cili e përshkroi ardhjen në Top Channel dhe në “Portokalli” si një prej mbrëmjeve më emocionuese të jetës së tij.

Humori i spektaklit ndërtohet mbi situata komike dhe një satirë të përpunuar, të frymëzuar nga aktualiteti dhe zhvillimet dinamike në vend e më gjerë. Përmes tyre, programi synon të shkaktojë të qeshura, por edhe të nxisë reflektimin e publikut.

Sipas aktorit Gazmend Paja, aktualiteti mbetet një prej forcave kryesore të “Portokalli”-t, ndaj çdo rol duhet të jetë në përputhje me ngjarjet që ndodhin dhe të sjellë diçka të freskët.

Spektatorët që do ta ndjekin programin drejtpërdrejt në sallë do të kenë mundësi ta shijojnë çdo të premte në orën 19:00, ndërsa për teleshikuesit “Portokalli” do të transmetohet çdo të diel në orën 21:00 në Top Channel.

të fundit

Video: drunk son approaches enraged bull in arena, mother rushes in to save him

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

4 hours ago

Smart glasses and micro cameras in South Korea’s national exam, 111 candidates suspected of violations

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

4 hours ago

VIDEO/ Djali i dehur i afrohet demit të tërbuar në arenë, nëna futet me vrap për ta shpëtuar

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

4 hours ago

Syze inteligjente dhe mikrokamera në provimin kombëtar të Koresë së Jugut, 111 kandidatë dyshohen për shkelje

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

4 hours ago

Propozimi i ri i Wenger për pozitën jashtë loje fokusohet te pjesa e sipërme e trupit

Arsene Wenger nuk ka hequr dorë nga ideja për ta ndryshuar rregullin e pozitës jashtë loje. Pasi propozimi i tij…

5 hours ago

Storms and snow” / weather forecast for the weekend and next week, here’s what meteorologists warn

Sinoptikania e Shërbimit Meteorologjik Ushtarak, Besa Sherollari, ishte sot në një lidhje të drejtpërdrejtë televizive, ku bëri parashikimin e motit…

5 hours ago