Po rikthehet apo hoqi dorë përfundimisht? Klea Huta zbulon planet për ekranin

Klea Huta është një ndër prezantueset më të pëlqyera nga publiku. Ndër vite Kleas i është besuar prezantimi i emisoneve dhe show-ve të ndryshme. Megjithatë, pas lindjes së Krid, prezantuesja bukuroshe nuk ka qenë më aq shumë aktive në televizion. Megjithatë, ajo ka qenë e angazhuar me akademinë e saj më të re të aktrimit.

Kjo gjë i ka bërë ndjekësit e saj të dyshojnë se mos ndoshta ajo nuk do t’i kthehet më televizionit dhe do të vazhdojë me biznesin e saj dhe rolet si aktore. Në një ‘bisedë online’ të bërë së fundmi me ndjekësit e saj, e pyetur nëse do t’i rikthehet në shtator ekranit, Klea na gëzon të gjithëve me përgjigjen e saj.

“Për të mos ikur më kurrë”

Prezantuesja nuk ka zbuluar më shumë detaje se në cilin televizion do ta shohim apo çfarë emisioni do t’i besohet, megjithatë ne po presim me padurim ta shohim në ekran.

Së fundmi, Klea përveç angazhimit me akademinë e saj të aktrimit, ka lançuar dhe projektin e saj muzikor ‘Dikë si ti”. Ajo ka treguar se kjo nuk është thjesht një këngë për të, por projekti muzikor që do më së shumti dhe se ka plot 5 vite që punon me këtë këngë.